X
تبلیغات
رایتل
یکشنبه 11 خرداد 1393

هر کسه دوست دئدیم آخیردا منی ساتدی یادا

1398867739852744_large.gif

هر کسه دوست دئدیم آخیردا منی ساتدی یادا
منه سوز وئردی اورکدن جانینی یاخدی یادا

منی گورجک دئدی قوربان کسرم بسته بویا
دئدی حاتم منه ای– وای الینی آچدی یادا

ایکیده یوخدو سوزوم مین هاوالی نازلی یاریم
منی گوزدن آتالی اوز چئویریب باخدی یادا

وار یوخون چکدی اوزه حالیمی پیس پوزدو یئنه
هئی دئدی عاشیقی نم وای نه یامان یاندی یادا

کفر دوغموشدو ایمانسیز دئدی قویمییه گل
درمه میش باغچامیزین گوللرینی آتدی یادا

یوخا چیخمیش دئدی وار گتدی منه دولته باخ
میندی حقین آتینی باطیله تای چاپدی یادا

چوخ بتر چیخدی اوزوندن دا قاییتماز یئرینه
یوسیفین داندی زلیخا کیمی باش قاتدی یادا

نه دئییم من هوشو کسمز بو یازیق باشدا نه وار
بیر دعا قیلدیم اودا یاغمور اولوب یاغدی یادا

بو نه فرعون دو کی اوندان یوموشاق موسی میزا
دئدی دارتیلمامیسان جان دئیه رک دارتدی یادا

بو دگیرمان منه ایش وئرمز اوغول دارتسا سنی
یوخسا بیر گوندو کی باغریمدا چیخیب باتدی یادا

ال قولون آغریماسین سن گونوموزدن کئچه لی
سانما سئودا گئجه میز قایناییبان داشدی یادا




نظرات (0)
امکان ثبت نظر جدید برای این مطلب وجود ندارد.