X
تبلیغات
رایتل
چهارشنبه 11 تیر 1393

اورگیم قان اودی بس منی سئخدی زمانه


1398867739852744_large.gif

اورگیم قان اودی بس منی سئخدی زمانه
سر داشیم اولمادی عا لم منه زندان اولدی
اوتورا بولمدیم ایوده قاپویا بویلا ندیم
بلکه جان صاحبی بیر لحظه نمایان اولدی
سایدیم اولدوز لاری بیر بیر او قرا نلوق گئجه ده
آغلادیم صبحه قدر گوزده کی یاش قان اولدی
هی گوزوم یاشینی توکدوم یوزه هجران گئجه سی
قالدی یوللاردا گوزوم صبر ایوی ویران اولدی
بیر کسیم اولمادی سر داشیم اولا غملی گونوم
قورتارام جانیمی غمدن مگر امکان اولدی
آیرلیقدان باشیما گلدی نه لر بولمدون هئچ
سئل کیمی غم توکولوب باشیمه عمان اولدی
تانری چاره م ندی عشقون قوشی باغیمدان اوچوب
بولورم گئدی هارا کیملره مهمان اولدی
بولمورم یول اوزاق اولدی کی گلوب چئخمادی یار
یا وفاسیز لیق ایدوب اوزگیه جانان اولدی
یاکی مندن اورگی سیندی داها گلمیجک
یا کی اوز باغلادیقی عهدینه پشمان اولدی
یارین عشقیله گئچدیم گئجه می گوندوزومی
وصلینی آرزولادیم قسمتیم هجران اولدی
آیری بیر سوز دیمرم ساغلیقینی آرزیلارام

1404278208954801_large.gif

نظرات (0)
امکان ثبت نظر جدید برای این مطلب وجود ندارد.