X
تبلیغات
رایتل
دوشنبه 6 مرداد 1393

تبریزیم






1398867739852744_large.gif


تبریزیم
سنی نئچه-نئچه نغمه کار اؤتدو
سازیندا ، سؤزونده ، تبریزیم منیم
شهرتین اوجالدی ، آدین اوجالدی
بوتون یئر اؤزونده ، تبریزیم منیم

فقط طالعینده باهار آز اولدو
آرزون سینه ن اوسته قانلا یازیلدی
نرگیزین ، بنؤوشه ن نیسگیل لی قالدی
چؤلونده ، دؤزونده ، تبریزیم منیم

حیاتی واریدی کؤرپه گولونده
بیر بؤیوک دنیزین، بیر لال گؤلونده
انسان آخینیندا ، انسان سئلینده
چاغلادین اؤزون ده ، تبربزیم منیم

مین-مین یارا آلدین ، دیریلدین یئنه
آلقیش سینه نده کی حیات عشقینه
یولومدا بیر مشعل اولموشدور منه
کول آلتدا کؤزون ده ، تبریزیم منیم

ای منیم مقدس اومید شهریم
ای منیم قهرمان ، ایگیت شهریم
دی کیمی گؤسته ریم ، من نشان وئریم
اولسون سن دؤزومده ، تبریزیم منیم !!!

سنین اؤز آدین وار ، اؤز احتشامین
یئنه ده دوغاجاق آیلی آخشامین
اینانما دئسه لر ، ایسته گین ، کامین
قالاجاق گؤزونده تبریزیم منیم

آرزون ناخیش-ناخیش اومیدین رنگ رنگ
ائشیت ، گؤر نه دئییر بو قلبی کؤره ک :
نه اولار منی ده بیر خاطیره تک
سن یاشات اؤزونده ، تبریزیم منیم !!!
تبریزیم منیم ......

http://www.azariha.org/app_action/tumbnail.aspx?lang=fa&item=278&strid=3&maxwidth=669&mode=nrm


نظرات (0)
امکان ثبت نظر جدید برای این مطلب وجود ندارد.