X
تبلیغات
رایتل
دوشنبه 17 شهریور 1393

سنی گورجک دئدیم ای دل نه دل آرادور بو؟



1398867739852744_large.gif


سنی گورجک دئدیم ای دل نه دل آرادور بو؟
بو قدر جاذبه وار بوندا ، زلیخادور بو؟

جان وئریر نازیله مین جان آلیر عاشق لردن
گونده مین معجزه وار بوندا ، مسیحا دور بو؟

بیرجه مجنونیدی لیلینی سئویب عاشق اولان
بونا مین عاشق اولان وار، نئجه لیلادور بو؟

عشق دردین چکن عاشق ، می ناب ایچمه لیدور
پیر میخانه ائوزی وئردیگی فتوادور بو

زولف سوداسی منی گور نجه باشدان چیخاریب
بیرجه من بیلمه دیم آخر کی نه سودادور بو؟

گوزلیم عالمه مینلرجه گوزللر گله جک
چوخدا ائوز حوسنیوه فخرایلمه ، دونیادور بو؟

منه یوز دفعه وفاسیزلیق ائدن بیر گوزلی
سئویرم من ،یئنه گور بیر نه معما دور بو؟

سن تماشا ائله " واحد " بو پری چهره لری
فرصتی فوت ائلمه یاخشی تماشادور بو

علی آقا واحد

1410178655168585_large.jpg


نظرات (0)
امکان ثبت نظر جدید برای این مطلب وجود ندارد.