درباره من
اوغوز خان تورک ائلینین آتاسی و حاکمی ایمیش اوغوز خان حاقیندا بیر سیرا دستانلار و افسانه لر و تاریخی سندلر وارکی آراشدیرارکن بو نتیجه یه گلمک اولورکی او (حضرت نوح) نوه سی و یافث.نوح اوغلونون اوغلویدور.تورات کیتابی دا بونو حاقلیر کن.موسولمان تاریخ یازان (رشیدالددین) اوزکیتابی (جامع التواریخ) ده بونا ایشارت ائدیرکی اوغوز نوح اوغلو یاقثین اوغلودور و او تورک لرین بویوک آتاسی دیر. اوغوزون آلتی اوغلو واریدیر اوغوز خانین اوغلانلارینین هر بیرینده ن ۴ قبیله آیریلیر.بو ۲۴ قبیله یه اوغوز قبیله لری دئیلیر.بوگونکو تورک لر (ایران.ترکیه.آذربایجان
.ازبکستان.ترکمنستان.قزاقستان.
قرقیزستان.عراق.بوسنی.
بولقار.مجار.فنلاند...اوغوزو
ن نسلیندن سایی لیرلار.
-----------------------------
اوغوز بابا
قیلینج لارین سسی گلدی
گئچمیشلردن ، اوزاقلاردان
آت کیشنه دی
((ایتی)) چایین قیراغیندا
اوغوز بابام قییها چکدی
غضبیندن یئره گؤیه
نیفرین دئدی
حارام اولسون سیزه منیم
آدیم ، سانیم
آی بئ غئیرت اوغوللاریم
((مورو)) داغی دوشمن باسیب
((کلبجریم)) یارالیدیر
باتدی منیم آدیم سانیم
باسیلیبدی قاراباغیم
نه یاتیب سیز عارسیز-عارسیز
دده قورقود بویلاریندا
اؤلدو داها ((قارا چوبان))
یالان اولدو دلی (( دومرول))
حاییف اولسون او آدلارا
حاییف اولسون
تاریخ دولو شان شوهرتلی
آدا ، سانا
دوشمن باسدی قاراباغی
ادامه...
آتا جان بو ائوین باهاریسان سن
آتا جان بو ائوین باهاریسان سن
قلبیمین ان عزیز نیگاریسان سن
ائوین یار اشیغی اویاریسان سن
بو سوزده گور مور ه م ذره جه خطا
گویلومون ایسته یی سن سن آی آتا
قوربانام او تمیز آری قلبیوه
سالیبدیر رحمتین تاری قلبیوه
صفا ایله دولو دورو قلبیوه
مئحنتی نه گه ره ک آددیمین آتا
گویلومون ایسته یی سن سن آی آتا
گونول اونوتماییب سنین عشقینی
آتا جان آتماییب سنسن عشقینی
اوزگه یه قاتماییب سنین عشقینی
اولارمی عشقیده ن بو بالان آتا
گویلومون ایسته یی سن سن آی
آنامین آغ اوزون، گؤرماغیم گلدی
آنااستاد شهریار
آنامین آغ اوزون، گؤرماغیم گلدی
آنامین دیزینه باشیمی قویوب
دونیانین فیکرینی، آتماغیم گلدی
یئرین آلت قاتیندا انون یانیندا
هئچ اولمازسا بیرآن، یاتماغیم گلدی
او گئدن یوللارین ، ایین قوخلاییب
او اوچان یئرلره ، اوچماغیم گلدی
فیکریمه گلدیقجا آیریلیق گونو
بولود تک چاخنایب، یاغماغیم گلدی
او یاتان مزار دا انون یانیندا
حیاتدان آیریلیب اؤلماغیم گلدی
آنا بیر سئوگی دی نازدی،
آنا بیر سئوگی دی نازدی،
آنا بیر نغمه دی سازدی،
آنا باشدان باشا آنلامدی اؤرکدی،
آنامین یایلیقی بیر چنگه ایپک‌دی-
غونچادی گولدو چیچک‌دی.
آنا دردله باریشارکن ،قووشوب درده تای اولدو،
گئجه-گوندوز چالیشارکن، وصفه سیغماز هارای اولدو،
کؤرپه‌سی آددیم آتینجا ،هرگؤنو دوز بیرآی اولدو،
دارگؤنونده باشینین یایلیقی نذر اولدو پای اولدو-
فیکره دالدیم بئله درد عاشیقی کیمدیر ...؟
آنادیر یوقسا حکیمدیر...؟
آنا کیمدیر؟ آنا کیمدیر !
آنا ائل عاشیقی ائللرده بزک‌دی
او صاباحدی ، گله‌جک‌دی .
