یاز یاغیشی

یاغیش یاغیر، یاز یاغیشی
یاغ ای یاغیش-یاغگینان سن
سنه احسن، سنه آلقیش
یاغ ای یاغیش-یاغگینان سن
بو چوللره چمنلره یاغگینان سن
سوسوزلوغدان خزان اولان چیچک لره یاغگینان سن
یاغگینان سن
آرزولارا دیلگ لره یاگینان سن
محبت دن آلولانان اورگلره یاغگینان سن
یاغگیان سن
یاغا یاغا ایسلات گینان پالتاریمی
قایتار منه گنجلیگده کی اوز عهدیمی، ایلقاریمی
اله یاغ کی قوی ایستانسین الیمدکی قلم، ورق
یادیم دادی نئجه یاغدون دوز اوتوز ایل بونان قاباغ
اله گوزل یاغموشدون کی ایسلانمیشدی اوز گوزومیز
اوتورموشدوغ قالا آلتیندا، بیر پالیدین آلتیندا بیز
سن یاغدیغجا دامجی لارون سپیلیردی اوزوموزه
ایکیمیز ده ایسته میردیک دوروب گدک اویمیزه
قورخوردوغ کی دوروب گتسک، خلل گلر سوگیمیزه
سن بیر شعرسن کی
سن بیر نغمه سن کی
آغزون یوخدی، دیلون یوخدی،نجه دییم بیله سن کی
سن یاغاندا یاماجلارا ،دوزنلره جان وریرسن
زمی لرده سنبل لرین دامارینا قان وریرسن
یاغ ای یاغیش
قوربان اولوم، سحره جن یاغگینان سن
دایانمادان، قالا آلتندان شهر جن یاغگینان سن
یاغگینان کی کولرجده سولان گوللر چیچک آچسین
بو ائولکه دن، بو دیار دان، غصه، کدر، اوزاق قاچسین
یاغا یاغا نه اولار کی خبر آپار سوگیلیمه
آمان گوندی، بو حالیمی بو گونومی اونا دمه
دویه دویه پنجره سین " ده گینن کی گلیب دی یاز
قالا آلتیندا حسرتیله یول گوزلیر یئتیم عیواض
یاغیش یاغیر اونا قوربان اولوم
عجب یاغیر اونا قوربان اولوم
گلدون اگر قالا آلتینا گزمه گه
منیده چاغیر سنه قوربان اولوم
یاغگینان کی
قوی چین اولسون آرزولار
هراورگده گئور نه قدر آرزو وار
سن یاغماسان من بیلیرم آز قالار
یئتیم آغیر سنه قوربان اولوم
یاغیش یاغیر اونا قوربان اولوم
یاغگینان کی
قوی قاییتیسین او چاغلار
غم غصه دن اوزاغ اولسون اوشاغلار
سن یاغاندا جوشا گلیر بولاغلار
چایلار آخیر
سنه قوربان اولوم
یاغیش یاغار اونا قوربان اولوم
عمرون یوللاری اولسون باهار یاز
دینسین مجلیس لرده همیشه کامان ساز
او پالیدین آلتیندا اوتوروب عیواض
یاغیشا باخیر اونا قوربان اولوم
عجب یاغیر اونا قوربان اولوم
گلدین اگر قالا آلتینا گزمه گه
منیده چاغیر سنه قوربان اولوم
یاغیش یاغیر اونا قوربان اولوم
.......................................
یتیم عیواض

سلام دار آغاجی

سلام دار آغاجی
قیرغیزام،اوزبه یم،قازاخ، تورکمنم،
باشقیردام ، کرکوکم ، ائله گؤرک منم،
سنین گؤزله دییین غریب تئورک منم،سلام دار آغاجی،علیکیم-سلام
او هانسی میللت دیر- طالعی سیردیر؟!
یوز آدلا بؤلوندو یئنه ده بیردیر!
منی حوضورونا بو درد گتیردی،سلام دار آغاجی.علیکیم-سلام
خزری ، بایکالی ، آرالی گؤردوم ،
گؤردوم جان اؤسته دیر ، یارالی گؤردوم
تانرینی بنده دن آرالی گؤردوم ، سلام دار آغاجی.علیکیم-سلام
ائی دارین آغاجی ، کیمدن اسکیکم
یا سنی یئندیرره رم یا سنه یئنم





آراز ائلسسین ایفاسی

سو دئیبدیر منه اولده آنام آب کی

سو دئیبدیر منه اولده آنام آب کی
یوخو اویره تدی اوشاقلیقدا منه خواب کی یوخ
ایلک دفعه کی چوره ک وئردی منه نان دئمه دی
اولیندن منه دوزدانه نمکد ان دئمه دی
آنام اختر دئمییبدیر منه اولدوز دئیب او
سو دوناندا دئمییب یخدی بالا بوز دئیب او
ال دئیب، دست دئمییب برف دئمییب قاردئیب او
منه هئچ وقت بیا سویله مییب گل دئیب او
یاخشی خاطیرلاییرام یازگونی آخشام چاغیلار
باغچانین گون چیخانیندا کی ایلیق گون یاییلار
او دئیردی کی گل باشیوی دارییم ای نازلی بالام
گلمه سن گر باجیوین آستاجا زولفین دارارام
اودئمه زدی کی((بیاشانه زنم بر سر تو))
(( گر نیایی بزنم شانه سر خواهر تو))
بلی قارداش داش یاغسادا گویدن سن اوسان منده بویام
وارسنین باشقا آنان واردی منیم باشقا آنام
اوزومه مخصوص اولان باشقا ائلیم واردی منیم
ائلیمه مخصوص اولان باشقا دیلیم واردی منیم
ایسته سن یولداش اولاق بیر یاشییاق بیرلیک ائده ک
وئریبن قول قولا بیریولدا گئده ک
اولاً اوزگه کولکلرله گره ک آخمییاسان
ثانیاً ائلیمه ، وارلیغیما خور باخمییاسان
ایسته سن زور دئیه سن، ملتیمی خوارائده سن
گون گئده ر، صفحه چونر مجبور اولارسان گئده سن

پروفسور محمد تقی زهتابی



شبکه خبردن پخش اولان بیر کلیپ

یئندیرین دئیری وار

گوزئل بیر شعر بختیار وهابزاده دن

گوزئل بیر شعر بختیار وهابزاده دن

رسمین اوستونده تیکلاین

الله
ایدراکدا یول آچمیش گئجه ده ن گوندوزه الله
گولدورمه سن اؤز کؤنلونو ، گولمه ز اوزه الله
دونیایه شفق لر کیمی تانریم سه په له نمیش
قلبین گؤزو یانمازسا ، گؤرونمه ز گؤزه الله
*
الله بیلیریک جیسم دئییل ، بس نه دیر الله ؟
ان یوکسک اولان حاقدا ، حقیقتده دیر الله
دوندونسه تکامل و گؤزللیک قاباغیندا
درک ائت ، بو تعجب ده بو حئیرت ده دیر الله
*
بیلدیک ، بیلیریک ، گیزلیدیر اینسانداکی قدرت
هرکس اونو فهم ائتمه سه ، عاجیزدیر او البت
اینسانین ازل بورجودور اینسانلیغا حورمت
اینسانلیغا ، حورمتده ، لیاقتده دیر الله
*
گرچک ده بودور گیزلی دیر او ذره ده وحدت
بیر ذره ایکن جمله قووشماق بونو نیت
گؤردوکلریمیز ظاهیری دیر ، بطنه نفوذ ائت
باطنده کی ، جوهر ده کی ، فطرتده دیر الله
*
فطرتده یاتیر ، سؤزده ، سؤزون اؤز یوکو فیکریم
سئچمیش ، سئچه جه ک ، دائما توکدن توکو فیکریم
من بیر آغاجام یارپاغی سؤزلر ، کؤکو فیکریم
سؤزلرده دئییل ، سؤزده کی حکمتده دیر الله
*
اینسان ، تپه ده ن دیرناغا سن آرزو دیله ک سه ن
نفسینده دویومسوز ، فقط عشقینده ملک سه ن
ظولمون اوزونه حاق دئییلن شیلله نی چه کسه ن
شیلله نده ، موهورله نمیش او غئیرتده دیر الله
*
جاهیل ائنر آلچاقلیقا ، اؤز قلبینه یئنمه ز
وجدان دان اگر دؤنسه ده ، خئیریندن او دؤنمه ز
ظولمتده ، جهالتده ، عداوتده ، گؤرونمه ز
ایلقاردا ، صداقتده ، محبتده دیر الله

دانلود