اولو بابک وئریر فرمان

اولو بابک وئریر فرمان

دالغالانیر قوجا وولکان

وارلیغینی هایقیریری

اودلار یوردو آزربایجان - آزربایجان

ایگید قیزلار قوچ اوغلانلار

گله جه یه اینانانلار

یئنی دؤوران یارادانلار

یورویورلر سانکی آسلان - آزربایجان

پولاد کیمی بیلک ایله

خوش آرزویلا دیلک ایله

سئوگی دولو اوره ک ایله

هره ییلماز بیر قهرمان - آزربایجان

وقتسیز سولان گولوموزه

دوستاق اولان دیلیمیزه

قارا گونلو ائلیمیزه

شانلی بابک اولوب عونوان - آزربایجان

ده ده قورقود نفسىدیر

کور اوغلونون نعره سىدیر

ستارخانین گولله سىدیر

بذ قالاسی اولوب مئیدان- آزربایجان

مین ایللرین سولطانىسان

قورتولوشون فرمانىسان

آزادلیغین عونوانىسان

آزربایجان ، آزربایجان – آزربایجان