بنیم تک هیچ کیم زار و پریشان اولماسین ، یارب

بنیم تک هیچ کیم زار و پریشان اولماسین ، یارب
اسیر درد عشق و داغ هیجران اولماسین ، یارب

دمادم جؤورلردیر چکدیگیم بی رحم بوتلاردان
بو کافرلر اسیری ، بیر مسلمان اولماسین ، یارب

گؤروب اندیشه ی قتلیمده اول ماهی بودور دردیم
کی بو اندیشه دن اول مه ، پریشان اولماسین ، یارب

چیخارماق ائتسه لر تندن چکیب پئکانین اول سروین
چیخان اولسون دل مجروح ، پئکان اولماسین ، یارب

جفا و چؤور ایله معتادام ، آنلارسیز نولور حالیم ؟؟؟
جفاسینا حد و جؤورونه پایان اولماسین ، یارب

دئمن کیم عدلی یوخ یا ظلمو چوخ ، هر حال ایله اولسا
کؤنول تختینه اوندان غئیری سلطان اولماسین ، یارب

فضولی بولدو گنج عافیت عافیت مئیخانه کنجوندن
مبارک ملکدور ، اول ملک ویران اولماسین ، یارب

یئنه اول ماه منیم آلدی قراریم بو گئجه

یئنه اول ماه منیم آلدی قراریم بو گئجه
چیخاجاق دیر فلکه ناله ی زاریم بو گئجه

شمع وش محرم بزم ائیله دی اول ماه منی
یاناجاق دیر هجر اودونا، واریم بو گئجه

هم وصالی اوت اولور جانیما، هم هجرانی
بیر عجب شمع له دوشدو، سروکاریم بو گئجه

نه توتون دور کی چیخار چرخه، دل زاره مگر؟
هجر داغینی اورار لاله عذاریم بو گئجه

پاره- پاره جیگریم، ایتلرینه نذر اولسون
اول سر کویا اگر دوشسه گذاریم بو گئجه

صبحه سالدی بو گئجه شمع کیمی قتلیمی هجر
اولا کیم صبح گلینجه، گله یاریم بو گئجه

وارایدی صبح وصالینه “فضولی” اومید
چیخماسا حسرت ایله، جان فگاریم بو گئج

آچمادی کونلوم فلک تا باغریمی قان ائتمه دی

آچمادی کونلوم فلک تا باغریمی قان ائتمه دی
قیلمادی خرم منی ،تازار و گریان ائتمه دی

قیلمادان بیدادیله یوز پاره پر خون کونلومو
بو چمنده گول گیبی بیر لحظه خندان ائتمه دی

درد یوخدور کیمسه ده،یوخسا طبیب فیض عشق
هانسی موشکولدور کی تدریج ایله آسن ائتمه دی

توتدو سیلاب دو چشمیم یئر اوزون،اما خوشا
کی بیناسین صبریمین اول سیل ویران ائتمه دی

عشق سئوداسیندا سود ائتدین متاع ووصلدن

ای"فضولی"جان وئرن جانانه نقصان ائتمه دی

Sənsizləmişəm

Sənsizləmişəm

Bax gülüm gəldi bahar açdı bulaqlar gözünü
Yar ınanma bu göz yaşları bağlar gözümü
Gorxuram sənsiz öləm ağlayasan arxamca
Axi ölsəm mələyim kim silər ağlar gözünü

Nə qədər göynəmişəm
Nə qədər sizlamışam
Necə yalqızlamışam yar
Necə yalqızlamışam ah
Necə yalqızlamışam

Bu könül dəftərinə dərdo kədər yazdı fələk
Bu qər…ib taleimə gör ki nələr yazdı fələk
Neyləyim axı mən sənsizliyə öyrəşməmişəm
Mənə qürbətdə keçən ömrü hədər yazdı fələk

Ah nə qədər göynəmişəm
Göz yaşın gizləmişəm
Necə sənsizləmişəm yar
Necə sənsizləmişəm

Ey hurivəş ki, əksi-rüxün sağərimdədir…

Ey hurivəş ki, əksi-rüxün sağərimdədir…

Ey hurivəş ki, əksi-rüxün sağərimdədir

,

Kövsər zülalı, badeyi-canpərvərimdədir.

İsgəndərəmmi zülmətə, ey Xızr, olam rəvan

,

Abi-həyat ləli-ləbi-dilbərimdədir.

Sirri-dəhanı məndən eşit kim, bu nöqtənin

Təlif olan kitabələri əzbərimdədir.

Ol şəmi-hüsnə yandığım axşamdan bəri

Pərvanələr gözü hamı xakistərimdədir.

Qorxutma, zahida, məni nari-cəhimdən

,

Dəryayi-rəhmətin başı əşki-tərimdədir.

Ol qaşı Zülfüqar vuran zəxmi-möhlikin

Cibril tək hənuz əsəri şəhpərimdədir.

Dildən məhaldır ki, edə intiqal eşq

,

Seyyid, bu bir ərəzdi ki, öz cövhərimdədir.

Seyyid Əzim Şirvani

اولو بابک وئریر فرمان

اولو بابک وئریر فرمان

دالغالانیر قوجا وولکان

وارلیغینی هایقیریری

اودلار یوردو آزربایجان - آزربایجان

ایگید قیزلار قوچ اوغلانلار

گله جه یه اینانانلار

یئنی دؤوران یارادانلار

یورویورلر سانکی آسلان - آزربایجان

پولاد کیمی بیلک ایله

خوش آرزویلا دیلک ایله

سئوگی دولو اوره ک ایله

هره ییلماز بیر قهرمان - آزربایجان

وقتسیز سولان گولوموزه

دوستاق اولان دیلیمیزه

قارا گونلو ائلیمیزه

شانلی بابک اولوب عونوان - آزربایجان

ده ده قورقود نفسىدیر

کور اوغلونون نعره سىدیر

ستارخانین گولله سىدیر

بذ قالاسی اولوب مئیدان- آزربایجان

مین ایللرین سولطانىسان

قورتولوشون فرمانىسان

آزادلیغین عونوانىسان

آزربایجان ، آزربایجان – آزربایجان

عشقه وئردیکجه کونول دردایله دریالاندیق

 

عشقه وئردیکجه کونول دردایله دریالاندیق

اتک آچدیقجا یخیب سدلری دنیالاندیق

دویغولار دالغالارا دونمه ده دالدیق دولدوق

اوتوروب بارلی باخیشلاردا تماشالاندیق

من عطش سن ده گونش عشقیمیز آتش آرادا

جلوه لندیکجه دل ذره ده گویالاندیق

اولدو لال کار بیزی کور تعبیر ائده‌ن تصویرلر

گوردولر هر دورو صاف گوزگوده رویالاندیق

گونش‌ین عشقینه مین رشک ایله آچماغدا آغیز

درو گوهر آخیدیب لولو لالالاندیق

بیزده بیر ذره قرار دوتمادی عشق ایله عطش

هئی پریشانلیقی آشدیق گئنه بلوالاندیق

دوشدو فیکر ائتمه چکیمده‌ن داها پیر اولدو موغان

هر نفس ده‌ن دم آلارکن ئینه شیدالاندیق

غمدن ئولدوم دئمه دیم حال دلی زار سنه

 

غمدن ئولدوم دئمه دیم حال دلی زار سنه

ای گلی تازه روا گورمه دیم آزار سنه

ایچ مئی ناب که باغریندان ائدر جمله کباب

آتش عشق ایله عشاق جگرخوار سنه

مئی گلگوندا دگل نرگس مستین عکسی

قدح اولموش گوز آچیپ عاشقی دیدار سنه

عارضین گول گول ائدیبدر مئی گلگون تابی

وه که بیر گولدن آچیلمیش نئچه گلزار سنه

باغه سیرائدبورخ لعل ایله کیم غنچه و گل

گوستره خون دل و دیده خونبار سنه

دئرایدیم قامتینه سرو ولی ئوزگه ایمیش

حرکات و روش و شیوه و رفتار سنه

ائیله یب طرف بنا گوشینه درد دیلیمی

یا او طاقین دییه یا طرّۀ دستار سنه

من گرفتارینم و فتنه دن اولمان آزاد

هیچ کیم اولماسین ای شوخ گرفتار سنه

لعل نابین هوسی باغریمی قان ائیله دیگین

آه کیم قانلی یاشیم قیلمادی اظهار سنه

ای فضولی فلگین وار سنینله نظری

کیم غم و محنتینی وئردی نه کیم وار سنه

فضولی

وطنیم دور (آزربایجان)

وطنیم دور (آزربایجان)

-

آرزوم دیله ییم سؤگیلی یاریم وطنیمدور

عشقیم هوسیم نازلی نگاریم وطنیمدور

---

آلمیش منی آغوشه مرامیله بویوتمیش

جانیم جگریم خون و دیاریم وطنیمدور

---

آرام و قرار تربت ها را دوتمارام اصلا

آسوده لی گیم صبر و قراریم وطنیمدور

---

عومروم بویی یاد ایئله بو عکسیمه نشانی

عزمیم شرفیم شأن و وقاریم وطنیمدور

---

من خلقیمین اولادیم عالم بونی بیلسین

دوغرو ئوره گیم دولت و یاریم وطنیمدور

---

شاهد گورورم خلقه تیمین عالم و زکاوه

یوک سلمه دی بو شعر و شعاریم وطنیمدور

-

وورغون

دؤزمه ز-دؤزمه ز

دؤزمه ز-دؤزمه ز
بیر گؤیرچین کیمی دن سیزلیگه دؤزمه ز-دؤزمه ز

اوره ییم سینه ده سن سیزلیگه دؤزمه ز-دؤزمه ز

 نه قدر یئل کیمی اولسا دولانار کن یورولار

 یولچولار تک بو وطن سیزلیگه دؤزمه ز-دؤزمه ز

آیریلیق دردی چتین دیر بو زاماندا گؤزه لیم

داغ کیمی اولسادا چن سیزلیگه دؤزمه ز-دؤزمه ز

 نه قدر اینینه توخدورسا تیکان عیب ائله مز

 یئنه کوشاندی گون سیزلیگه دؤزمه ز-دؤزمه ز

نئجه کی سئوگیلیمین یوخلوغونا دؤزمه میشم

 بیلیرم سئوگیده من سیزلیگه دؤزمه ز-دؤزمه ز