سوری(جهنم ده بیتن گول)

سوری(جهنم ده بیتن گول)

فلکین قانلی الیندن بیر آتیلمیش یئره اندی،

بیر فلاکت آنانین جان شیره سیندن سودون امدی،

بوللو نیسگیل شله سین چیگنینه آلدی .

تای توشوندان دالی قالدی،

ساری گول مثلی سارالدی.

گونو تک باغری قارالدی.

خان چوبانسیز سئله تاپشیرسین اوزون،

یوردوموزا بیر سارا گلدی.

بیر وفاسیز یار الیندن یارا گلمز سانا گلدی.

بیر یازیق قیز ، جان الیندن جانا گلمز جانا گلدی.

کئچه جکده «الموت» دامنه سیندن بورایا درمانا گلدی.

بیرآدامسیز «سوری» آدلی، الی باغلی، دیلی باغلی!

سورو کیمدیر؟
بیر گول دو جهنمده بیتیبدیر
سوروبیر دامجی دی گوزده ن آخاراق اوزده ایتیبدیر
سورو یول یولچوسودور اگری ده یوخ دورده ایتیبدیر
سورو بیرمرثیه دیر اوخشایاراق سوزده ایتیبدیر
او کونول لرده ایتمیش دی ازلدن
اودوگوزده ن ده ایتیبدیر
سورو بیر گوزلری باغلی
اوزوداغلی سوزو داغلی
اولوب هاردان هاراباغلی؟


بوشلاییب دوغمادیارین
اوموب البته یاریندان
ال اوزوب هرنه واریندان
قوخماییب شهریمیزین قیشدا آمانسیز بورانیندان
نه قاریندان
گزیر آواره تاپا یاندیریجی دردینه چاره
تاپا بیلمیر
چوخ سئویر عشقی باشیندان آتا
آمما آتا بیلمیر
اووا باخ اووچو دالینجا قاچیرآمما چاتابیلمی
ایش دونوب لیلی توشوب چوللره مجنون سوراغیندا
شرین الده تئشه داغ پارچالاییر فرهاداوتورموش اوتاغیندا
تشنه لب قو گور نئجه جان وئری دریا قیراغیندا
وارلیقین سون اثری آز قالیر ایتسین یاناغیندا
سانکی بیر کوزدو بورولموش کوله وارلیق اوجاغیندا
کوزه ییر پیلته کیمین یاغ توکه نیب دیر چیراغیندا
بوی آتیر رنج باغیندا قوجالیر گنج چاغیندا
بیر آأامسیز سورو آدلی
الی باغلی
دیلی باغلی.........

Salam, Dar ağacı

Yolumu gözlədin hər səhər-axşam,
Salam, Dar ağacı!
Əleyküm-salam.
Əcəllə ölməyə doğulmamışam,
Salam, Dar ağacı!
Əleyküm-salam.

O hansı millətdir, taleyi sirdir?
Yüz adla bölündü, yenə də birdir!
Məni hüzuruna bu dərd gətirdi,
Salam, Dar ağacı!
Əleyküm-salam.

Xəzəri, Baykalı, Aralı gördüm,
Gördüm can üstədir, yaralı gördüm.
Tanrını bəndədən aralı gördüm,
Salam, Dar ağacı!
Əleyküm salam.

Çarxı tərs fırlanır fələk qarının,
Turan kölgəsində budaqlarının.
Rəngi bayrağımda yarpaqlarının,
Salam, Dar ağacı!
Əleyküm salam.

Əvvəlin axırı, sonun əvvəli
Buymuş, bilməmişəm bunu mən dəli.
Qorxum yox! Nə olsun boyun göy dəlir?!
Salam, Dar ağacı!
Əleyküm-salam.

Danış, Əmir Teymur, bu son nəydi bə?
Boynumda ağ kəfən, dilimdə tövbə...
Dərsini tərs bilən, mənimdi tövbə!
Salam, Dar ağacı!
Əleyküm-salam!

Səni mən əkmişəm...Mənə sən qənim,
Səni suvarmağa halaldı qanım;
Yarpağın rəng alsın qanımdan mənim,
Salam, Dar ağacı!
Əleyküm-salam!

Ey darın ağacı! Kimdən kəməm, kəm?!
Ya səni yendirrəm, ya sənə yennəm.
Ya da budağında yarpağa dönnəm,
Salam, Dar ağacı!
Əleyküm-salam.

Qırğızam, özbəyəm, qazax, türkmənəm,
Başqırdam, kərkürəm, elə görk mənəm.
Sənin gözlədiyin qərib türk mənəm!
Salam, Dar ağacı!
Əleyküm-salam.

Qəbul et, növbəti qurbanın mənəm,
Mənim canım səndə, bil, canın mənəm.
Elə qürrələnmə, hər yanın mənəm,
Salam, Dar ağacı!
Əleyküm-salam.

یازیلمامیش شعیریم آ..ه واراق واراق توکولور

 

یازیلمامیش شعیریم آ..ه واراق واراق توکولور

قارانلوق اوجوما بوردا قوجاق قوجاق توکولور

پاییز نه چولقالاییب دی بیزیم بو باغ برنی

یازین یاشیل ساچی ایندی داراق داراق توکولور

دونن گونش گوزونه باغلانیبدی پنجره لر

بویونده مورگی گوزوندن اویاق اویاق توکولور

بو باش سیز ائللره قوشقو سیزیلتیسین قوشارام

اورک دنیزدی گوزومدن بولاق بولاق توکولور

سیزین ده آی قارا یئل لر سینیدی کاش قانادیز

بیزیم بوباغچادا شنلیک بوداق بوداق توکولور

بو تورپاقا نه گلیبدی هایاندادی ییه سی

باش آچمامیش زمی بوردا اوراق اوراق توکولور

بو توستولو گئجه لرده گرگ اولام آلیشیق

قیزیل آلوودی ایچیمدن اوجاق اوجاق توکولور

گرگدی جنگی کوراوغلو قوپوزلارا کوک اولا

کی قورتولوش پیالامدان آراق آراق توکولور

اوقدر قوشقو ایچیمدن دئیلمه میش قالدی

یازیلمامیش شعیریم آ...ه واراق واراق توکولور     
       

اسیر آزربایجانیم

اسیر آزربایجانیم

 
هانی منی گول قوینوندا دوغوران،

خمیرمی گوز یاشییلا یوغوران،

بئشیگیمده، «لایلا، بالام» چاغیران...

آزربایجان، منیم باختسیز آنام اوی...

نئچه ایلدیر حسرتینله یانام اوی...
 
سالام دئسم، روزگار آلیب گوتورسه،

آغری داغدان آلاگوزه اوتورسه،

گور سسیمی گوی خزره یئتیرسه،

خزر جوشوب زنجیرینی قیرسا اوی...

حوکم ائتسه بو سرسم گئدیش دورسا اوی...
 
خبر آلسام موغانیمدان، میلیمدن،

نازلی باکی، او نفت قوخان گولومدن،

کیم دئمیش کی، دوشموش آدی دیلیمدن...

آزربایجان، منیم ائشسیز یوردوم اوی...

اولمز عشقیم، ایچیمده کی دردیم اوی...
 
کونلومه تک کعبه ائتدیم سنی من،

سنسیز نئیلیم قوربت ائلده گونو من؟

سنسیز نئیلیم آللاهی من، دینی من...

آزربایجان، منیم تاجیم، تاخیم اوی!..

اویانمازمی کور اولاسی باختیم اوی!..

باشـــــــیوادولانیــــــــــم آذر بایجــــــــــان

ایرانیمیـــــن باش تاجی سان سلطـــــــانی

وفــــــــالی ائللــــــــرنیــــــگاری حیـــــرانی

محســــــــورائدیبــــــــدی ویقارین دونـیانی

سهنــــــدین وارسبــــــد داغی ســــــاوالان

باشیــــــــــوادولانیــــــــــم آذربایجـــــــــــان
دیــــــاردیــــار دولانمیــــــــشام ائللــــــــری

دارامــــــــیشام ائلــــــده قـــارا تئللــــــــری

تانیمـــــیشام آنــــــــا دئیـــئن دئیللــــــــری

شیـــــــرین شکر بالدی سوزور دوداقــــذان

باشیــــــــــوادولانیـــــــــم آذربایجـــــــــــان
آرازچـــــــایی آخیـــر مــــــوغانا ســــــــاری

دولو گــــــــوزله باخیــــــر ایرانا ســــــــاری

تامـــــاشادی باخـــــــــا جاهانا ســــــــاری

اوره ک باغــــــــلاربوائلــــــــه کلِّ جهــــــان

باشیـــــــــوا دولانیـــــــــم آذربایجـــــــــــان
قیــــــزلاریوین هربیــــری بیر ســــــــارادی

سئــــل غمی وار اوره کلــری یـــــــــارادی

ائیللــر ساویب گئیــــــدیخلری قــــــــارادی

اوغـــــــلانلارین هرتکی بیــرخان چـــــوبان

باشیـــــــــوادولانیــــــــــم آذربایجــــــــــان
ستّـــــــارخــــــانلار بویاباشا چــــــــاتیبدی

کــــــوراوغلولار غمی غمـــه قــــــــاتیبدی

شهــــــــریارلار بوتوپـــــــراقدایــــــــاتیبدی

توپراقـــــلارین قیزیل داشلارین مرجــــــان

باشیــــــوا دولانیــــــــــم آذر بایجــــــــــان
قـــــــارتاللار گــــــوزتیکیب بیــــزیم توپراقا

ایگیـــــــد گِئتمـــئز بوتوپراقــــــــدان اوزاقا

دوشمَـــــئز دوشمن قــــوران تله توسداقا

جــــــــاوانلاشیر بـــوتوپراقدا قوجــــــــالان

باشیـــــــــوادولانیــــــــــم آذربایجــــــــــان
قوجالمـــــــیشام جـاوان روحــــوم پروازدا

قــــــــانات چالیـر ائل غمـــــینه اعــــجازدا

نغمــــــــه دئییر ســــــازتئلینـــــــده آوازدا

آنــــــا وطن سئسلی ییـــر جنّت نشـــــان

باشـــــــیوادولانیــــــــــم آذر بایجــــــــــان
دان اولـــــدوزوسَحـَــــــر ائله چاخـــــــاندا

چیــــــــرپینیر اوره ییـــــم ائله باخـــــــاندا

قیـــــــزلار طوی حنـاسین اله یاخـــــــاندا

آداخـــــــلی اوغــــــلانلارین ئــوزوخنــدان

باشیــــــــوادولانــــــــــیم آذربایجــــــــــان
ائل غمـــــی یم ائلـــده ائلین فریــــــــادی

وطن شیـــــرین من وطنیـــن فرهــــــادی

یامان گـــــــونده منــــم ائلین امـــــــدادی

قول قاناتـــــــیم قارا تئللــــــرقیـــزاوغلان

باشیـــــــوادولانیــــــــــم آذربایجــــــــــان

هردن سوزه – سوزه سوزولوب آخار

هردن سوزه – سوزه سوزولوب آخار

هردن سلطان کیمی دانیب باخار

گاهدان اوره ییمی یاندیریب یاخار

یامان گیلئلی دیر مندن گؤزلرین

بعضاً آغلار ، بعضاً گولر اوزومه

دوداغیمدا فیکیر وئرمز سؤزومه

اوخ کیمی سانجیلار بیردن گؤزومه

یامان گیلئلی دیر مندن گؤزلرین

بیر آز اوتانجاق دیر بیر آز دا شیطان

دیلین بالدان شیرین دوداغین خندان

ییخیب بخت ائویمی ، ائدیبسن ویران

یامان گیلئلی دیر مندن گؤزلرین

یئنه گؤزلریوه دولدورما یاشی

قاپساما کیپریکین ، چاتدیرما قاشی

اینان کی گؤز یاشین اریدر داشی

یامان گیلئلی دیر مندن گؤزلرین

من ترک شراب لب یار ائیلدیم اولدی

 

من ترک شراب لب یار ائیلدیم اولدی
زهر غم هجریله مدار ائیلدیم اولدی
ای شیخ بهشتی دئمه ترک ائیلییه ن اولماز
من ترک سر کوی نگار ائیله دیم اولدی


من ترک شراب لب یار کردم و شد
با زهر غم هجر مدارا کردم و شد
ای شیخ نگو که کسی بهشت را ترک نمی کند
من ترک سر کوی نگار کردم و شد

صبر ائیله کؤنول ، محنت هجرانه تلسمه

 

صبر ائیله کؤنول ، محنت هجرانه تلسمه
درد اهلی یئتر صبرایله درمانه تلسمه
کام آلمایاجاق آیریلیقا باعث اولانلار
عاشق یئته جک سئوگیلی جانانه تلسمه
کیم اولسا سبب آیریلیغا عؤمرو گوده لسین
بیر گون اولاریق یاریله همخانه تلسمه
یوسف ده زولیخانی محبت له سئویردی
سالدیردی زولیخا اونو زندانه ، تلسمه
دونیایه وفا ائیله مه ، چوخ آغلاما کؤنلوم
دونیا نه وفا قیلدی سلیمانه تلسمه
پروانه اگر یانسادا شمعین ستمیندن
شمعین ده یاخار عؤمرونو پروانه تلسمه
گول ذوقونو چکمک ابدی خاره ده قالماز
بلبل گلر البته گلستانه تلسمه
گوندن – گونه آرتیر بو گؤزل حوری لقالر
دنیا دؤنه جک جنت و رضوانه تلسمه
واحد ایچه جکسن دئمه کی توبه لر اولسون
جلب ائیله یر آخیر سنی مئیخانه تلسمه

صبر کن ای دل ، بر غم هجران عجله نکن

اهل درد با صبر به درمان می رسند ، عجله نکن
آنان که مسبب جدائی مان شدند ، کام نمی یابند
عاشق به جانانش می رسد ، عجله نکن
الهی آنکه مسبب جدایی شد ، عمرش کوتاه شود
روزی با یار همخانه می شویم ، عجله نکن
یوسف نیز زلیخا را با عشق دوست داشت
زلیخا او را به زندان فرستاد ، عجله نکن
به دنیا وفا نکن ، گریه نکن ای دل
دنیا به حضرت سلیمان چه وفایی کرد ، عجله نکن
پروانه اگر از جور شمع بسوزد
شمع هم عمر پروانه را می سوزاند ، عجله نکن
همنشینی گل شدن تا ابد برای خار ممکن نیست
البته روزی بلبل به گلستان بازمی گردد ، عجله نکن
روز به روز بر حوریان زیباروی افزوده می شود
دنیا تبدیل به بهشت خواهد شد ، عجله نکن
واحد خواهی نوشید ، نگو که توبه کرده ام
آخر سر میخانه ترا جذب خواهد کرد ، عجله نکن

هارای هارای من تورکم

 

گویلره یوک سالیر بو سس هارای هارای من تورکم


سینه مده جوشلانیر نفس هارای هارای من تورکم


سن سارا تئللی تک نگار منده کور اوغلی اوخشاری


باشقا باشیمدا یوخ هوس هارای هارای من تورکم


تورک اوغلویام منیم دوره می ان گوزل آلیب


دونیایا سالمیشام جرس هارای هارای من تورکم


بیز هامیمیز بیر ائولادوک تورک آنامیزدی آنجاقین


باغدی کی ویرمیشام هرس هارای هارای من تورکم


دونیانین هر یئرینده تک آذربایجان آدلانیبپ


گویلره بویلانیب بو سس هارای هارای من تورکم


آمما منیم یولوم اوزاق سیزلره غربت اهلیم


غربت اولوبدی بیر قفس هارای هارای من تورکم


بیر (پاییزام) گوللریمی وطن یولوندا وئرمیشم


تکجه واریمدی بیر نفس هارای هارای من تورکم


قالمیشام اوز غمیمده تک سیز ولی شادلیق ایلیون


دونیا بیزیمدی تکجه بس هارای هارای من تورکم....

ارمو گولی بایاتیلاری

ارمو گولی بایاتیلاری

Bu dərdi kimə yazam? بو دردی کیمه یازام؟
Öz yurdumda yalqızam, اؤز یوردومدا یالقیزام
Eşidirsənmi məni? ائشیدیرسنمی منی؟
Bu günlər çox susuzam. بو گونلر چوخ سوسوزام

Haraylar ay haraylar, هارایلار آی هارایلار
Dolanır illər aylar, دولانیر ایللر آیلار
Mən susuzam, hardasız? من سوسوزام، هارداسیز؟
Suyu gətirən çaylar! سویو گتیرن چایلار

Gəl inanaq sevgiyə! گل ایناناق سئوگی-یه
Qardaşlığa, birliyə, قارداشلیغا، بیرلیییه
Bizden yardım isteyib, بیزدن یاردیم ایسته ییب
Azerbaycan - Urmiyə. آذربایجان - اورمیه

Mən aşıq ay olaydim, من آشیق آی اولایدیم
Bir sulu çay olaydim, بیر سولو چای اولایدیم
Aşıb, daşıb dağları, آشیب، داشیب داغلاری
Gəlib sənə dolaydım. گلیب سنه دولایدیم

Əzizim Urmu Gölü, عزیزیم اورمو گؤلو
Görmüyüm səni ölü, گؤرمویوم سنی اؤلو
Biz yanarıq, yerində, بیز یاناریق، یئرینده
Görsək quru bir çölü. گؤرسک قورو بیر چؤلو

Xəbər verin ellərə, خبر وئرین ائللره
Düşsün hammı dillərə, دوشسون هامی دیللره
Urmu gölü göz tikib, اورمو گؤلو گؤز تیکیب
Mədəd verən əllərə. مدد وئرن أللره