من، بۇ قارانلێقلارا ، بۇ سۇکۇتلارا، بۇ ناله‌لره فریادلارا سبب اوْلانلارا، اعتیراضێم وار
من، بۇ قارانلێقلارا ، بۇ سۇکۇتلارا،
بۇ ناله‌لره فریادلارا سبب اوْلانلارا،
اعتیراضێم وار
من ، بۇ دۆنیانێن کیفسه‌میش قانۇنلارێنا،
قبۇل ائتمه‌دیغیم ایناملارێن ایطاعتینه،
اعتیراضێم وار
من ، اینسانێن اینسانا حؤکم سۆرمه سینه،
اینام آدێنا باش کسیب قتلی عام ائتمه‌سینه،
اعتیراضێم وار.
من ، جهالت گئییمینه بۆرۆنمۆش عالیملره،
منی مهریبان تانرێ‌نێن اوْدۇندان قوْرخۇدانلارا،
اعتیراضێم وار
من ، دۇیمایان قۇلاغلارا ، بیلمه‌ین قافالارا،
بیلن اینسانلارێ زینجیره چکیب داردان آسانلارا،
اعتیراضێم وار.
بۇنلار، قانادێ، اۇچۇشۇ، سئوگینی، یاشایێش شؤوقۆنۆ، حیاتێن دادێنێ مندن آلێرلار.
هاردا قالدی اوْ آنلار کی آنالار قۇرد دوْغوردو
هاردا قالدی اوْ آنلار کی
آنالار قۇرد دوْغوردو
خیلقت، اینسان پالچێقێنێ
داستان ایله دوْغوروردو
هاردا ایگیدلر کی،
گۆر سسلری اؤلکه‌نی بۆروردۆ
یئری دئسه داغلار یئریردی
دۇر دئسه قلب لر دۇروردو
قوْپاریلدی آیی گؤیدن
بیر ایپک دالا آسدیلار
یۇرد دئدیلر کؤلگه‌سینه
آیاقلارینی باسدیلار .
یئر اۆزونون گؤبه‌یینده
قۇرولدو قۇرولتایلاری
گۆنلری سؤنمک بیلمه‌دی
یئره دۆشمه‌دی آیلاری !
سئویرم یوردومون باهارین یازین
سئویرم یوردومون باهارین یازین
گؤلونده نازلانان اؤرده یین قازین
عاشیغین الینده صدفلی سازین
ای عاشیق گل اوخو؛اوره ییم جانیم
سئویرم من سنی آذربایجانیم
داغلارین دؤشونده قاینایان سولار
سوزولر گولاب تک چوخورا دولار
گوللشر گوموش تک بیر آینا اولار
ای روحوم روانیم گؤزل جئیرانیم
سئویملی وطنیم؛ آذربایجانیم
چن-دومان ائیله ییپ باشیزدا مکان
گئجه نین اولدوزون آیینی توتان
توفانلار وئرنمز سیزلره تیکان
ای منیم داغلاریم؛ ویقاریم ؛ جانیم
گؤزللر گؤزلی آذربایجانیم
گوموشدن ساچ هورر اوجا داغلارین
یام یاشیل دون گئییر گوللو باغلارین
آل-الوان اوفوقلو آخشام چاغلارین
ای گؤزل وطنیم؛گؤزل ترلانیم
گؤزللیک مسکنی آذربایجانیم
'
واله ام بو جسور قهرمان ائله
عاشیقم بو شیرین بال کیمی دیله
دوشمنی یاندیرار دؤنده رر کوله
ای آنا دیاریم ؛ عشقیم ایمانیم
اولوبسان ویقاریم آذربایجانیم
سئوگی دونیام منیم! توپراغیم منیم،
سئوگی دونیام منیم! توپراغیم منیم،
اوجالار اوجاسی گول آزربایجان!…
بئشیگیم، اشیگیم، اوجاغیم منیم،
آنالار آناسی گول آزربایجان!…
ازلدن یانیبسان، یئنه یانارسان،
گؤزللر اؤلکه سی گؤزل دیارسان،
قانلی کفنلردیر کؤکسونو یارسان،
شهیدلر دونیاسی گول آزربایجان!…
اؤزلمینده “هارای” یاندی دویسانا!
دردیمی، سؤزومو آی گؤزل آنا،
دینله سن منی، من سؤیله ییم سانا،
گؤنلومون یاراسی گول آزربایجان!…
آزربایجان
یارادانیم نی تورک یارادیب دیر
یاشا اذربایجان!دئمه سم اولماز.
تورک اوغوز یوردونون باشینین تاجی
ساوالانا سولطان دئمه سم اولماز.
کوراوغلو قهرمان بابک قهرمان
ائولادی بی اولسون شاهلاری خاقان
آتا تورک آنا تورک یورد آزربایجان
بالایا تورک اوغلان دئمه سم اولماز.
خزرین دالغالی اؤز بالاسی ییق
قوپوزون کامانین تارین سسی ییک
بیز اودلار یوردونون اود پارچاسی ییق
یوردوما جان قوربان دئمه سم اولماز
تبـــــــــــــریزیم
تازه داماد سایاق سن گوله ـ گوله،
یاخ پولاد اللرینه حنـا تبــــــریزیم
افتخار اوزوگون سال بارماغینا،
سن بورون آل ـ یاشیل دوْنا تبـــــــریزیم
ساغدوشون ستارخان، سوْلدوشون باقیر،
نبی‌نی هجری بو تویا چاغیر،
چوخ اولار قوناغین مجلیسین آغیر،
احسن بو شؤهرته شانا تبـــــــــریزیم
قوجا شهریارین دئسین بیر غزل،
عاشیقلار ایچره او، ازلدیر ازل،
اوغلانلارین ایگید، قیزلارین گؤزل،
اویلاقسان سلطانا ـ خانا تبـــــــریزیم
قوی عاشیق بو تویدا چالسین دیلغمی،
سن گولسن تالانار بوتون ائل غمی،
عندلیب چکسه ده چکر گول غمی،
محبّـــته آتــا ـ آنــــا تبـــــــــــــریزیم
ﻭﻃـﻨﺪﯼ ﺷﻬﺮﺗﯿﻢ، ﻭﻃﻨﺪﯼ ﺁﺩﯾﻢ
ﻭﻃـﻨﺪﯼ ﺷﻬﺮﺗﯿﻢ، ﻭﻃﻨﺪﯼ ﺁﺩﯾﻢ
ﻭﻃﻨﺪﯼ ﺍﻭﺷﻤﺎﻏﺎ ﻗﻮﻟﻮﻡ ﻗﺎﻧﺎﺩﯾﻢ
ﻭﻃﻨﺪﯼ ﺁﻏﺰﯾﻤﺪﺍ ﻟﺬﺗـﻠﯽ ﺩﺍﺩﯾﻢ
ﺁﻧﺎ ﺗﻮﺭﭘﺎﻗﯿﻤﺪﯼ ﻣﻦ ﮔﺌﺪﯾﻢ ﻫﺎﺭﺍ
ﺍﻭﻧﻮﻥ ﻗﻮﺟﺎﻗﯿﻨﺪﺍ ﮔﻠﻤﯿﺸﻢ ﺑﺎﺭﺍ
ﻭﻃﻦ ﺳﺮﯾﻦ ﺳﻮﯾﻮﻡ، ﺍﻭﺩﻭﻡ، ﺍﺟﺎﻗﯿﻢ
ﻭﻃﻨﺪﯼ ﺁﺭﺍﻧﯿﻢ، ﻭﻃﻨﺪﯼ ﺩﺍﻏﯿﻢ
ﻭﻃﻨﺪﯼ ﺑﺴﺘﺎﻧﯿﻢ، ﻭﻃﻨﺪﯼ ﺑﺎﻏﯿﻢ
ﻭﻃﻨﯿﻢ ﻭﺍﺭ ﺑﯿﻠﯿﺮﻡ ﮐﯽ ﺟﺎﻧﯿﻢ ﻭﺍﺭ
ﯾﻮﺭﺩﻭﻡ ﯾﻮﺍﻡ ﺁﺫﺭﺑﺎﯾﺠﺎﻧﯿﻢ ﻭﺍﺭ
ﻭﻃﻦ ﻭﺍﺭﯾﻢ، ﻭﻃﻦ ﺟﺎﻧﯿﻢ، ﻧﻔﺴﯿﻢ
ﻭﻃﻦ ﺷﯿﺮﯾﻦ ﺳﻮﺯﻭﻡ، ﺫﻭﻗﯿﻢ، ﻫﻮﺳﯿﻢ
ﻭﻃﻦ ﺁﺯﺍﺩﻟﯿﻘﯿﻢ، ﻭﻃﻦ ﻗﻔﺴﯿﻢ
ﺩﺷﻤﻨﯿﻦ ﯾﻮﺭﺩﻭﻧﺎ ﺳﺎﻻﺭﯾﺦ ﺗﺎﻻﻥ
ﻗﺎﻣﺘﯿﻦ ﺍﻭﺟﺎﻟﺪﺍﺭ ﻗﺎﺭﻟﯽ ﺳﺎﻭﺍﻻﻥ
ﻭﻃﻨﺪﯼ ﺑﺎﺷﯿﻤﺪﺍ ﺷﺮﻓﻠﯽ ﺗﺎﺟﯿﻢ
ﻭﻃﻨﺪﯼ ﻗﺎﺭﺩﺍﺷﯿﻢ ﻭﻃﻨﺪﯼ ﺑﺎﺟﯿﻢ
ﺍﺅﻟﺴﻤﺪﻩ ﻭﻃﻨﻪ ﻭﺍﺭ ﺍﺣﺘﯿﺎﺟﯿﻢ
ﺣﺎﻗﻨﯿﻦ ﺍﻭﺳﺘﻮﻧﺪﻩ ﻗﻮﺭﺧﻤﺎﺭﯾﺦ ﻗﺎﻧﺪﺍﻥ
ﻭﻃﻨﯿﻦ ﯾﻮﻟﯿﻨﺪﺍ ﮔﺌﭽﺮﯾﮏ ﺟﺎﻧــﺪﺍﻥ
ﻭﻃﻨﯿﻤﺪﯼ ﮔﻞ ﭼﺌﭽﮑﻠﯽ ﺑﺎﻫﺎﺭﯾﻢ
ﻭﻃﻨﯿﻤﺪﯼ ﻣﻨﯿﻢ ﮐﺆﻫﻨﻪ ﺩﯾﺎﺭﯾﻢ
ﻭﻃﻨﯿﻢ ﺇﺋﻠﯿﻤﺪﯼ، ﺷﺄﻧﯿﻢ ﻭﻗﺎﺭﯾﻢ
ﻭﻃﻨﺴﯿﺰ ﯾﺎﺷﺎﻣﺎﻕ ﺑﯿﺰﻟﺮﻩ ﻋﺎﺭﺩﯼ
ﺁﻧــﺎ ﺩﯾﻠﯿﻢ ﺍﻭﻟﺴﺎ ﻭﻃﻨﯿﻢ ﻭﺍﺭﺩﯼ
عاقبت دریاچه و ملت آزربایجان را ببینید ...
عاقبت دریاچه و ملت آزربایجان را ببینید ...
یاد شعری از علی اکبر صابیر، شاعر بزرگ آزربایجان افتادم که میگه :
ملّت نئجه تاراج اولور اولسون ، نَه ایشیم وار
دشمنلَره محتاج اولور اولسون ، نَه ایشیم وار
قوی من توخ اولوم،اوزگه لرایله نَه دی کارِیم
دونیاوجهان آج اولور اولسون ، نَه ایشیم وار
سس سالما ،یاتانلار آییلار،قوی هله یاتسون
یاتمیشلاری راضی دئیلم کیمسه اویاتسون
تک تک آییلان وارسا دا حق دادیما چاتسون
من سالیم اولوم جمله جهان باتسا دا باتسون
ملّت نئجه تاراج اولور اولسون ، نَه ایشیم وار
دشمنلَره محتاج اولور اولسون ، نَه ایشیم وار
سالما یادیما صحبت تاریخ جهانی
ایّامِ سَلَفدن دیمه سوز،بیرده فلانی
حال ایسه گتور میل ایلیوم دولمانی نانی
مستقبَلی گورمک،نه گَرَک ، عمردی فانی
ملّت نیجه تاراج اولور اولسون ، نَه ایشیم وار
دشمنلَره محتاج اولور اولسون ، نَه ایشیم وار
اولاد وطن قوی هله آواره دولانسون
چیرکاب سفالتله ائله باشی بولانسون
دول عورت ایسه سائله اولسون اودا یاتسون
آنجاق منیم آوازه شأ نم اوجالانسون
ملّت نئجه تاراج اولور اولسون ، نَه ایشیم وار
دشمنلَره محتاج اولور اولسون ، نَه ایشیم وار
هر ملت ائدیر صفحهْ دنیا ده ترقی
ایلر هره بیر منزل و مإ وا ده ترقّی
یورغان دوشه ییمده دوشه گر یاده ترقی
بیزده ائدیریک عالم روْیاده ترقّی
ملّت نئجه تاراج اولور اولسون ، نَه ایشیم وار
دشمنلَره محتاج اولور اولسون ، نَه ایشیم وار
بیر گولوم وار اورمو آدلی
بیر گولوم وار اورمو آدلی
بیر دیلیم وار یامان دادلی
اونون سویو ائله درمان
ائل اوغلونا داماردا قان
دوزلو آخان چایلاری وار
چوخ سئویملی یایلاری وار
دوشمنی وار اوره گی داش
دئییر سویون قوروسون کاش!
سد ورروللار چایلارینا
اوره گ اودو یایلارینا
ایندی گونلر گئچیر بئله
گولوم دونور دوزلو چوله!
بیر گوجلو یئل اسسه گوله
یوردا توپراق دوزدان اوله!
دوزلو گولوم یانایانا
بیت گی دوزدان زوغون دانا!
بودور منیم بویوک دردیم
تانریمداندا آنجاق یاردیم!
بیز واریق وارسا وطن وارایسه دوغما دیلیمیز
بیز واریق وارسا وطن وارایسه دوغما دیلیمیز
اؤیره نیب بیلمه لیدیراؤز دیلینی تورک ائلیمیز
آنا تک جاندان عزیزدیر آنا تورپاق آنا دیل
حورمتین ساخلا یاشارکن آنالار قدرینی بیل
وطنین کیملیییدیر وارلیغینین داش تملی
کیملییین بایراغیدیر هر بالانین دوغما دیلی
آنا دیلدیر بزه ین دویغولارین اویلاغینی
سوسله ین آرزیلاری سئوگی سئوینجین باغینی
بولبول اؤز دوغما دیلیله گوله سویلر سؤزونو
هر گول اؤز رایحه سیله تانیدار اؤز اؤزونو
آنا دیلدیر داشییان لایلالارین جان دادینی
آنا دیلدیر یاشادان ائولادینین اؤز آدینی
آنا دیلدیر ائلینین تاریخی آیدین تانیغی
یوردونون اؤلکه سینین آیناسی سؤنمز چراغی
آنا دیلده آنانین سئوگیسی عطری دادی وار
آنا دیلده وطنین شانلی شرفلی آدی وار
اغوز خان دوعاسی
اولو تانری
گؤزه ل تانری
گؤک تانری
سن تورکو و تورک یوردلارینی قورو!
دوشمان شریندن ساخلا.
تورکو ایگیدلیکده دائیم ائت.
تورکو ارلیک داعواسی ایله یاشات.
تورکو گرچکچی یاپ.
تورکون گؤنلؤنه هر شی دن اؤنجه، حتی قورساغینا(معده سینه) اکمک قویماسیندان اول،
تورکلوک سئوگیسینی قوی!
تورکو ایده آل ایله یاشات و ایده آلی حقیقت یاپمایا چالیشسینلار.
تؤره لرینی جانلاری گیبی ساخلات.
تورکه راحاتلیق وئرمه، بلکی ترسینه زحمته آلیشدیر.
زحمتله اوره کلری و بدنلری دمیر گیبی اولسون.
بو سایه ده تورکه یؤکسک چالیشما قودرتی وئریرسین.
تورکو فعّال، جوّال(داورانیشلارینی سورعتلی و کسین) ائدرسین.
تورکه ده گیشمز بیر سجیّه وئر.
زامانلا تورکون سجیه سی، ده گیشمه سین، ساده تکمل ایله تعدیلات گؤرسون!
اولو تانری
میللی قووت، ناموس، اخلاق، آزیم (ایراده)، ثوبات، ایده آل، تورکوچولوک روحو، یورد سئورلیک،
عیلیم، صنعت، تشکیلات، اینتیظام، بدن قووتی و زنگینلیک ایله حاصیل اولدوغوندان،
تورکه بونلاری وئر!
تورکدن حیرصیز (اوغرو)، ناموس سوز تؤره سه، همن قهر ائت!
تورکه منلیک، همده یؤکسک بیر منیلیک وئر.
تورک نفسینه قارشی اعتیماد صاحیبی اولسون.
تورکو موحاکه مه لی(اینجه دوشونجه لی) ، جیددی آدام اورلاق یارات.
حیسی یاتینا قاپیلیب، اؤفکه(عصبانیت) ایله آیاقلانماسین.
بیردن باروت گیبی پارلاماسین.
دائیما سویوق قانلی اولسون.
تورکو هر میللتدن جسور یارات.
اؤج(اینتیقام) آلماغی تورک آصلا اونوتماسین!
اولو تانری
ناموس سوز بیر تک تورک یاراتاجاغینا، دونیایی ییخ... داها ایی!
نه قدر قورخاق تورک وارسا هامیسینی هلاک ائت!
تورک موقاییسه قابیلیتینی موحافیظه ائتسین.
یالنیز آغیل و منطیق دئییلن شیلره بوراخما اونو!
صبیرلی و درده دایانیقلی اولسون.
ایراده سی چلیک گیبی اولسون.
دؤنک(اینانجینی و دوشونجه سینی سیخ سیخ ده گیشدیره ن) تورک یاراتما!
تورکلری میمون ایشتهالی(سورعتله هوسله نیب هوسینده ن دوشن) یاپما!
تورک دائیما ایحتیاطلا آدیم آتسین.
کیمسه نین تاتلی دیلینه اینانماسین.
کیمسه یه ایمنیت اولماسین!
چالیشما ذکادان اوستون بیر قیمت اولدوغوندان، تانری، سن تورکو چالیشقان ائت!
تورکون عمرو چالیشماق ایله گئچسین.
اونا دائیما چالیشما عشقی وئر!
هله ائل بیرلیگی ایله چالیشماقی عادت ائتسین.
تمبل تورکو همن اؤلدور.
تورکه هر میللتینکیندن اوستون ذکاء وئر.
ذکا و چالیشما ایکیسی بیر آرادا اولونجا، تورکون اؤنونده دورولماز.
میللی بؤیوکلوگون تک شرطی یوکسک ایده آلدیر، بونا آلیشماق ایچینده یوکسک اخلاق،
فداکارلیق و ثوبات لازیم اولدوغوندان تورکلری اخلاقی، ثوباتلی و فدایی قیل.
تانری، تورکلری سن کندی الین ایله بیرلشدیر و هر شئ دن اول روحلاری بیرلشسین.
اونلاری تک بیر کولتور آلتیندا بیرلشدیر.
تورکو تؤره سینه صادیق قیل، تانری،تورک بودونو: بیلینیز کی آتالار تؤره سی عصیرلرین
تجروبه سی ایله حوصوله گلمیش بؤیوک بیر حیکمتدیر.
تانری منی تؤره یه دوخونماقدان و دوخوندورماقدان ساخلادی و ساخلاسین.
اولو تانری
تورک میلله تینی لافچی ده گیل، الیندن ایش گلیر اینسانلار ائت.
بیر شی سؤیله مک وظیفه یاپماق ده گیلدیر.
اونو گرچکدن یاپماق و یاپتیرمانین وظیفه اولدوغونو بئیینلره سوخ!
گؤزه ل تانری
سنه هامیسیندان چوخ یالواردیغیم شودور:
تورکو دالقاووکلوقدان(یالتاقلیقدان) قورتار!
دالقاووکلوق و اونون امثالی واسیطه لره زنگین اولماقدان قورو!
تورکه حقسیز پارا قازانما حیرصی وئرمه!
دالقاووکلاری یوخ ائت!
آمان تانری
تورک، عائیله، تؤره و دیسیپلینینی هر شیئدن اول قورو.
تورک، توپراغیندا حورّلر یاشاسین.
عدالتدن باشقا بیر شئ حوکوم سورمه سین.
سن تورکه طبیعی شئیلره و طبیعته قارشی سئوگی وئر.
تورک یوردوندا یوخسوللوق او قدر آزالسین کی فقیرلیک سوچ ساییلسین!
دونیانی یارادان یوجه تانری
تورکه اینسانییتدن اول تورک میللتینی دوشوندور!
اینسانلارین اینسانیت دئدیکلری شیء، گؤز بویاماق ایچین ایجاد ائدیلمیش بیر بویادیر.
اینسانیت ماسکاسینی داشییان اؤیله میللتلر واردیر کی ماسکالارینین آلتیندا جاناوارلار یاشار!
اینسانیتی گؤره ن اولمادی.
تانری، تورکه ساغلام و قالیجی، ایراده وئر.
گوچلوکلرده(چتینلیکلرده) صبرینی، تحمولونو، عینی زاماندا غیرتینی آرتیر.
اونا اساس اولاراق وظیفه محبتی و مسئولیت دویغوسو وئر.
مسئولیتی تورک یوردوندان اکسیک ائتمه!
ان بؤیوک قووه تین، تورکلوک عشقی اولدوغونو ، تورکه اویره ت.
تانری:
تورکجه قونوشولان، تورکه یوردلوق ائتمیش اولان یئرلری، قیامتیه قدر تورکون حوکمو آلتیندا بوراخ.
