X
تبلیغات
رایتل
دوشنبه 2 آذر 1394

دون اولدوم ذؤق مئی‌دن ائیله کیم، اوفتاده بیر یئرده



1398867739852744_large.gif


دون اولدوم ذؤق مئی‌دن ائیله کیم، اوفتاده بیر یئرده
اؤزوم بیر یئرده دوشدوم، مست قالدیم، باده بیر یئرده
بساطِ مئی‌ده سوز یوخ‌کی، دئییرلر، حال اولور آمما
«اولا گر باده بیر یئرده، نگارِ ساده بیر یئرده»
ینه، زاهید، اقلاً بیر صفا وار، سُفره‌ی مئی‌ده
نه گوسترمیش کدورت‌دن سوای سجاده، بیر یئرده؟
آلیبدیر کؤنلومی، حیرتده‌یه‌م کی، گؤزلرین فکری
نئجه بیر صید اولوب قسمت، ایکی صیّاده بیر یئرده
اسیری من کیمی مینلرجه وار، اول سروِ رعنانین
نه بیر دم اؤلدورور، نه ائیله‌ییر آزاده، بیر یئرده
منیم بو داغلار کی، سینه مه، اول لاله رخ چکمیش
که هرگز ائتمه‌میش شیرین، اونی فرهاده بیر یئرده
مقام و شأنین ایسترسه‌ن، اوجالسین «واحد» عالمده
چالیش تا خدمت ائت، تکمیل اولان اوُستاده بیر یئرده

شاعر: علی آقا واحد



1442491483499481_large.gif

jtounfw2cdopaudytuw.gif




نظرات (0)
برای نمایش آواتار خود در این وبلاگ در سایت Gravatar.com ثبت نام کنید. (راهنما)
نام :
پست الکترونیک :
وب/وبلاگ :
ایمیل شما بعد از ثبت نمایش داده نخواهد شد