(شعر جدید استاد کریمی مراغه ای در مورد وقایع اخیر)

(شعر جدید استاد کریمی مراغه ای در مورد وقایع اخیر)
اوردا دیـــــیرسن ادب ارکانیسان
مـعرفتین جـــوهریسن کانیسان
مـــملکتین دلـقکی,دوزدانیسان
سن ادبی,مـــعرفتی قانمیسان
اوچ دنــه دلـــقک آتیسان میدانا
اوینویا تهراندا بــــــیزه قـــیرجانا
عقلینی ورمیش اوچوده شیطانا
یولدان آزیب شیطانا آللانمیسان
تـــــــــورکلری کیملر یرینه قویموسان
مــــــوفته یئره سن اؤزونی یورموسان
هـــئچ بیلیسن کیمنن اویون اوینوسان
سن هله تورک کیمدی اونو قانمیسان
تــــورک ایگیدی؛ مین جان آلار بیر جانا
تـــــورک دی کی جان یاندیریردی ایرانا
اولماسا تـــــــــــورک، ایران اولار ویرانا
سن نجه خامسان بو سؤزو قانمیسان

آی اوغول

آی اوغول، یالتاغدان یالانچیدان آداما مگر دایاغ اولار؟

ایگیدین دایاغی داغ اولسون گره ک

داغ کیمی خالقی قویوب سن کیمه سویکنمیسن؟

ائشیتمه میسن کی دییلر: دایاغی داغ اولانین باشی گویلره چاتار؟

بویوک دایاق 1962

--------------------------------------------------------

?Ay oğul, yaltağdan yalançıdan adama məgər dayaq olar

Igidin dayağı dağ olsun gərək

?Dağ kimi xalqı qoyub sən kimə söykənmisən

?Eşitməmisən ki diyələr: dayaği dağ olanın başi goylərə çatar

Böyük dayaq 1962

آنا وطن‌‌‌، آنا وطن‌!

آنا وطن‌‌‌، آنا وطن‌!

قهرمانلار دیریله‌جک،
اؤنۆنده یاد اگیله‌جک،
اوغوللارین سئویله‌جک،
شن گله‌جک‌‌‌، تئز گله‌جک‌‌‌،
آنا وطن‌‌‌، آنا وطن‌!
 
عطیرلیدیر قوینون سنین‌‌‌،
گۆلـله‌نجک دره‌لرین‌!
گئده‌‌‌جکدیر دردین - غمین‌‌‌،
دیلکلریم آچار چیچک‌‌‌،
آنا وطن‌‌‌، آنا وطن‌!
 
یاد باغیریر یالان - یالان‌‌‌،
منه دئییر: بیزه اینان‌!
ائتمیر بونو اصلا گۆمان‌‌‌،
سندن اولماز هئچ ال چکمک،
آنا وطن‌‌‌، آنا وطن‌!
 
بولاقلارین سرین سنین‌‌‌،
چشمه‌لرین درین سنین‌‌‌،
اوجا ذیروه یئرین سنین،
ان گؤزه‌لسن‌‌‌، بونو بیلک،
آنا وطن‌‌‌، آنا وطن‌!
 
سن منیم‌سن‌‌‌، منیمکی‌سن‌‌‌،
سن بیر ایدین‌‌‌، بس ایکی‌سن‌؟
اۆره‌گیمده سن‌‌‌، تکی سن‌‌‌،
یئر دوتوبسان، بئله گره‌ک‌!
آنا وطن‌‌‌، آنا وطن‌!
 
گؤزه‌للیکده بیر دنه‌سن‌‌‌،
منجه، دۆنیا تکی سنسن‌‌‌.
آنجاق سنه باغلییام من‌‌‌،
صرف ائتمیشم بوردا أمک،
آنا وطن‌‌‌، آنا وطن‌!
 
داغلاریندا گۆل آچاجاق‌‌‌،
قیزیل گۆنش نور ساچاجاق‌‌‌.
ایشیغیندان قورد قاچاجاق‌‌‌،
او گۆنه گل کؤنۆل وئره‌ک،
آنا وطن‌‌‌، آنا وطن‌!
 
قان رنگینده بایراغین وار‌‌‌،
دۆنیالارجا نؤوراغین  وار‌‌‌،
یاز نفسلی مین داغین وار‌‌‌،
من قویموشام بوردا اۆره‌ک‌‌‌،
آنا وطن‌‌‌، آنا وطن‌!

سن منیم یوردوم یـووامسان، آی یارالی توپراغیم

سن منیم یوردوم یـووامسان، آی یارالی توپراغیم
قوی آلیم دردین کی یار دردین، یار آلی توپراغیم

لنـکرانین گؤرمه‌لی، شیـروان گؤزل، باکین گلی
سـنـده وار خـوی گؤیچگی، تبریز مارالی توپراغیم

قالمامیش بئش گون قوناق مهمانیم ایسـتر یـوللانا
دویـمـامیـشـدان کیـم دوشَر یاردان آرالی توپراغیم

آی آماندیر قویما خور یـاد، یـول آچـا باغـلارینا
یـوخــسـا باغ ویران اولوب گوللر سارالی توپراغیم

چال محبت نغمه‌سـین قوی اَل‌بیر اولسـون ائللریم
قـویـمـا دوســتومـدان قـالا قلبـیـم قـارالی توپراغیم

ناخجیوان، اورمیه، گنجه، آستـارا، مـاکی، شـکی
فـرقـی یوخ دیـلبــر هـارالی، مــن اورالی توپـراغیم

هامیـمیز بیر اؤلکه‌نین، بیر توپراغین اؤولادی‌یـیـق
خـویـلوسـان، سـالماسلی‌سان، یا آستارالی توپراغیم

وار یئری یازسین “وفا “، قاجاردان آللاه کئچمه‌سین
سـالدی چـوخ قـارداشی قارداشدان آرالی توپراغیم

Türk’üm Oğuz neslidir neslimiz

Türk’üm Oğuz neslidir neslimiz
Onlardır Atamız, sevgilerimiz
Hani, nerde Altay, İdil’imiz
Unutmam dili, dilimiz Türkçe

Her türlü engelleri geçerek
Dostun elinden zehir içerek
Koruduk dili, zoru yenerek
Konuştum Türkçe, dilimiz Türkçe

Bayrağımıza vatanımıza
Toprakta şehit yatanımıza
Türkçeyle ünledik Atamıza
Söyledim Türkçe dilimiz Türkçe

Yeşil ovada zümrüt yaylada
Soğuk suyunu içtim Ay’la da
Sırtımda dolaştım ok, yayla da
Dediğim Türkçe dilimiz Türkçe

Hangi tarlada hangi yamaçta
Yürümedik! Dor ata yol aç ta
Bizde buluşalım her amaçta
Bildiğim Türkçe dilimiz Türkçe

Ergenekon’dan sevinçle bir bir
Anadolu’ma geldik, yok kibir
Tasada, kıvançta, kaderde bir
Sevdiğim Türkçe dilimiz Türkçe

Haçlı’ya karşı Kızıl dağları
Sarp kayaları, aştık bağları
O diyarlar da söktük ağları
Övdüğüm Türkçe dilimiz Türkçe

Nazır’ım bütün diller güzeldir
Şarkı türküsü söylenmelidir
Dil, söylendikçe sevilen dildir
Atamın dili dilimiz Türkçe

تقدیم اولونور آزربایجاندا یاشیان صفالی انسانلارا

شیرین دیلیم دیللر ایچره قالاردی
غربت یئرده دائم منیله یاردی
قلیبیم دوتولاندا گوزوم باغلارام
وطن باغلارینیدا گورورم باردی

اوردان شیرین میوه لردن دیشدرم
اورا دولی آلما هیئوا اناردی
اوردا منیم شوخ باخیشلی یاریم وار
نئچه ایلدی من تک او بی قراردی

ال آتیرام الین دوتوب رام اولام
حیف اولسون آرامیزدا دوواردی
اوردا هله محبت لر اولمییب
قاری ننم اوردا هله ده واردی

اوردا بوی اوجالدان گونلر یادیمدا
اوردا قیش اولسادا دیللر باهاردی.....
حیف اولسون آیری دوشدوم وطنن
او جنت ماویسی خیالیمده دی

یاخشیسینان دونیادا یوخدی والله
نئجور دییم پیسی خیالیمده دی
او تندیر چوره گین آنام یاپماسی
او ائممیزین هیسی خیالیمده دی

او قوحوم یولداشین منله صفاسی
او نامردلر کیسی خیالیمده دی
او آتامین گئجه قیلان نمازی
او آنامین سسی خیالیمده دی..........

یادیمه دوشنده هر گون آغلارام
آغلیار کن گوزلریمی باغلارام
وطنیمی اوره گیمنن ساغلارام
گوزل وطن من سیز باشون ساغ اولسون

دورون بستان اولسون بارلی باغ اولسون
 منده بیردا جوشوب سئل اولوب گللم
نفس اولوب هردن یئل اولوب گللم
زولف ون آرا بلکه تئل اولوب گللم

چاغیر منی روحوم بیردان بزاردی
بیردا قالماق والله منه آزاردی
 سوزوم چوخدی صبحه قدر یازیم وار
بیلوسن کی سنه چالار سازیم وار

هر دنده عشفیله سنه نازیم وار
گوزل وطن دیرچل منی سووندور
دشمنلری اوز ایچینده دووندور...
تقدیم اولونور آزربایجاندا یاشیان صفالی انسانلارا

آزربایجان قدر سئویرم سنی

سوروشدو : نه قدر سئویرسن منی ؟ بیر چوخ فیکیرله شدیم جواب تاپمادیم.

ایبهاملی بیر سکوت کؤچدو ذهنیمه. محبتی اؤلچه ن بیر قاب تاپمادیم .

سؤیله دی : اولمایا آزجا سئویرسه ن ؟

اوره ییم توتولوب تیتره دی بیردن.

محبته اؤلچو اولسایدی یقین بو سونکو گیلئیی ائشیتمه زدیم من.

اما هئچ بیریمیز دانانماریق کی هر کسه عزیزدیر آناوطنی ایندیسه نئجه دیر.

سویله سه م اگر آزربایجان قدر سئویرم سنی

تبریزیم

تبریزیم

بیر یارالی گؤوه رچین قوشونا بنزه ر

گؤزلرینده

بیر جوت دموکراسی اولدوزو

پارلاییر داییم

اوره یینده چوخدان،

گؤیلره اوچماق آرزیسی وار

اؤزگورلوق دییه بیر سئوگی،

اونون اوره یینده دلی لر کیمی

چیرپینیر نفس نفس!

راحات اول سئوگیلی

تبریزیم

سنی قیسقانمیاجاغام من

بیلیرم سنین یارالی قوجاقیندا

مینلر سئوگیلی

یاتیب اویانیر هر گئجه

سنین له بیر پای رویالار، شئعر لر وار

بئینیم ده

اونودا

سئوگیلی لرینین اوره گی له

پایلاشاجاغام من

باخین تیمین دوروشوغونا

باخین تیمین دوروشوغونا

آزربایجان خالقی، دایاقدیر سنه
چیرپینان بیر یورک ، سنسن وطنه
دایانما هئچ زامان یاشا تیراختور
قوی سئل کیمین آشا داشا تیراختور
سنده ستتارخانین شؤهرتی واردی
یئریشین مئیداندا شانلی ووقاردیر
تیرختورون کیمدن یوخدور قورخوسو
ائی ائلین، وطنین ظفر اوردوسو
گؤزلرین هاممیسی باغلیدیر سنه
سن بیر اولدوزسان گؤزل وطنه
بوغازیمدا سسین قانیمدا رنگین
ائی منیم آسلانیم، ببریم، پلنگیم
هر مئیدا واردیر ایکی دروازا
بیری باخیر غمه بیری آوازا
تیراختور آچاجاق آواز قاپیسین
مئیداندا قوراجاق ظفر اوردوسو

تبریزیم

تبریزیم
سنی نئچه-نئچه نغمه کار اؤتدو
سازیندا ، سؤزونده ، تبریزیم منیم
شهرتین اوجالدی ، آدین اوجالدی
بوتون یئر اؤزونده ، تبریزیم منیم
فقط طالعینده باهار آز اولدو
آرزون سینه ن اوسته قانلا یازیلدی
نرگیزین ، بنؤوشه ن نیسگیل لی قالدی
چؤلونده ، دؤزونده ، تبریزیم منیم
حیاتی واریدی کؤرپه گولونده
بیر بؤیوک دنیزین، بیر لال گؤلونده
انسان آخینیندا ، انسان سئلینده
چاغلادین اؤزون ده ، تبربزیم منیم
مین-مین یارا آلدین ، دیریلدین یئنه
آلقیش سینه نده کی حیات عشقینه
یولومدا بیر مشعل اولموشدور منه
کول آلتدا کؤزون ده ، تبریزیم منیم
ای منیم مقدس اومید شهریم
ای منیم قهرمان ، ایگیت شهریم
دی کیمی گؤسته ریم ، من نشان وئریم
اولسون سن دؤزومده ، تبریزیم منیم !!!
سنین اؤز آدین وار ، اؤز احتشامین
یئنه ده دوغاجاق آیلی آخشامین
اینانما دئسه لر ، ایسته گین ، کامین
قالاجاق گؤزونده تبریزیم منیم
آرزون ناخیش-ناخیش اومیدین رنگ رنگ
ائشیت ، گؤر نه دئییر بو قلبی کؤره ک :
نه اولار منی ده بیر خاطیره تک
سن یاشات اؤزونده ، تبریزیم منیم !!!
تبریزیم منیم ......