درباره من
اوغوز خان تورک ائلینین آتاسی و حاکمی ایمیش اوغوز خان حاقیندا بیر سیرا دستانلار و افسانه لر و تاریخی سندلر وارکی آراشدیرارکن بو نتیجه یه گلمک اولورکی او (حضرت نوح) نوه سی و یافث.نوح اوغلونون اوغلویدور.تورات کیتابی دا بونو حاقلیر کن.موسولمان تاریخ یازان (رشیدالددین) اوزکیتابی (جامع التواریخ) ده بونا ایشارت ائدیرکی اوغوز نوح اوغلو یاقثین اوغلودور و او تورک لرین بویوک آتاسی دیر. اوغوزون آلتی اوغلو واریدیر اوغوز خانین اوغلانلارینین هر بیرینده ن ۴ قبیله آیریلیر.بو ۲۴ قبیله یه اوغوز قبیله لری دئیلیر.بوگونکو تورک لر (ایران.ترکیه.آذربایجان
.ازبکستان.ترکمنستان.قزاقستان.
قرقیزستان.عراق.بوسنی.
بولقار.مجار.فنلاند...اوغوزو
ن نسلیندن سایی لیرلار.
-----------------------------
اوغوز بابا
قیلینج لارین سسی گلدی
گئچمیشلردن ، اوزاقلاردان
آت کیشنه دی
((ایتی)) چایین قیراغیندا
اوغوز بابام قییها چکدی
غضبیندن یئره گؤیه
نیفرین دئدی
حارام اولسون سیزه منیم
آدیم ، سانیم
آی بئ غئیرت اوغوللاریم
((مورو)) داغی دوشمن باسیب
((کلبجریم)) یارالیدیر
باتدی منیم آدیم سانیم
باسیلیبدی قاراباغیم
نه یاتیب سیز عارسیز-عارسیز
دده قورقود بویلاریندا
اؤلدو داها ((قارا چوبان))
یالان اولدو دلی (( دومرول))
حاییف اولسون او آدلارا
حاییف اولسون
تاریخ دولو شان شوهرتلی
آدا ، سانا
دوشمن باسدی قاراباغی
ادامه...
منیم آی غملی دیلیم !
منیم آی غملی دیلیم !
درده بورونموش
سنه چوخ دردلی سؤزوم وار
سنه ایللر بوْیو قان آغلاماغا بیل کی گؤزوم وار
داخی دوستاقلی گؤنول ایچره کؤزوم وار
سن آتامین دیلیسن ، هم ده آنامین
ائلیمین ، میللتیمین ، کیملیییمین
بایراغی سَنسَه ن
تؤرکلویون شانلی نیشانی
اُولاماز نازلی دیلیم من سنی آتام
اؤزگه لر دیلینه ، یاد ائللرینه من سنی ساتام
سنی آلداتماییرام
سنی ایچدن سئویره م
سن اگر سولغون اولاسان ، سولاسان
گؤزلریم گؤز یاشینی دالغالارام
ظولمه قارشی آخارام
کؤزه ره ن گؤکسوم اودیله یاخارام
ظولمه سوْن نوقطه سینی قویمالییام
سنه من آند ایچَه ره م
آخی تورک’ون توْرونو
آنا "تومروس " قیزییام
آی منیم غملی دیلیم !
درده بورونموش
سنه من آند ایچه ره م
سنه من آند ایچه ره م
Türkün dili
Türkün dili
Türkün dili tək sevgili, istəkli dil olmaz,
Özgə dilä qatsan, bu əsil dil, əsil olmaz.
Öz şerini farsa ərəbə qatmasa şair,
Şeri oxuyanlar, eşidənlär käsil olmaz.
Pişmiş kimi, şerin də gərək dad duzu olsun,
Kənd ähli bilir ki, doşabsız xəşil olmaz.
Sözlər dä cəvahir kimi dir, əsli bədəldən,
Təşxis verən olsa bu qədər zir zibil olmaz.
Şair ola bilməzsən, anan doğmasa şair,
Mis’sən, abalam, hər sarı köynək qızıl olmaz.
Azad qoy oğul eşqi təbiət də bəyənsin,
Dağ daşda doğulmuş dəli ceyran həmil olmaz.
İnsan odu tutsun bu zəlil xalqın əlindən,
Allahı sevərsən, belə insan zəlil olmaz.
Çox da ki Sarab'ın suyu, var yağ balı vardır,
Baş ərşə də çatdırsa, Sarab Ərdəbil olmaz.
Bir zərrə musavat ola, şair çöpə dönməz,
Ərbablarımızdan da qarınlar təbil olmaz.
Məndən də nə zalim çıxar, oğlum, nə qisasçi,
Bir dəf’ə buni qan ki ipəkdən qəzil olmaz.
Düz vaxt da dolar taxta tabax ədviyə ilə,
Onda ki nənəm sancılanar zəncəfil olmaz.
Fars şairi çox sözlərini bizdən aparmış,
Sabir kimi bir süfrəli şair, pəxil olmaz.
Türkün məsəli, folkloru dünyada tək dir,
Xan yorqanı, Kən içrə məsəl dir, mitil olmaz.
Azər qoşunu, qeysəri Rumi äsir etmiş,
Kəsra sözüdür bir belə tarix nağıl olmaz.
Bu Şəhriyar’ın təb’i kimi çimməli çeşmə,
Kövsər ola bilsə demirəm, səlsəbil olmaz.
Ustad Şəhriyar
نازلــــــــــــــــــی شیرین دیل واریم ، ئوزگه دیله یازمارام
نازلــــــــــــــــــی شیرین دیل واریم
، ئوزگه دیله یازمارام
دوغراســــــــــــــــــــــــــــــالاردا منی، اُوز دیلیمی آتمارام
جنتی وئــــــــــــــــــــــــرسز منه ، دونیانی ساتساز منه
من آنامین نـــــــــــــــــــــاز دیلین، باشقا دیله ساتمارام
شهریاریم دوز دیـــــــــــــــــــــــــــیب، قاتما دیلین دیللره
من بو گوزل تورک دیـــــــــــــــــــلین، آیری دیله قاتمارام
باخ بو دیلین سایه سی ، گــــــــــــــــــزدی آدیم دیللره
اولماسا گر بو دیلیم، هئچ یئره مـــــــــــــــــن چاتمارام
اوندا کی من اولموشم، قورلایین اوز یـــــــــــــــــوردوما
چون بودور عادت منیم ئوزگه یئره یاتمــــــــــــــــــــارام
قبریمین اوستونده سیز، تورکی بو شعری یـــــــــازین
اوز دیلیمی آتمارام ، باشقا دیله ساتمــــــــــــــــــارام
بیز واریق وارسا وطن وارایسه دوغما دیلیمیز
بیز واریق وارسا وطن وارایسه دوغما دیلیمیز
اؤیره نیب بیلمه لیدیراؤز دیلینی تورک ائلیمیز
آنا تک جاندان عزیزدیر آنا تورپاق آنا دیل
حورمتین ساخلا یاشارکن آنالار قدرینی بیل
وطنین کیملیییدیر وارلیغینین داش تملی
کیملییین بایراغیدیر هر بالانین دوغما دیلی
آنا دیلدیر بزه ین دویغولارین اویلاغینی
سوسله ین آرزیلاری سئوگی سئوینجین باغینی
بولبول اؤز دوغما دیلیله گوله سویلر سؤزونو
هر گول اؤز رایحه سیله تانیدار اؤز اؤزونو
آنا دیلدیر داشییان لایلالارین جان دادینی
آنا دیلدیر یاشادان ائولادینین اؤز آدینی
آنا دیلدیر ائلینین تاریخی آیدین تانیغی
یوردونون اؤلکه سینین آیناسی سؤنمز چراغی
آنا دیلده آنانین سئوگیسی عطری دادی وار
آنا دیلده وطنین شانلی شرفلی آدی وار
اولدوز یئددی یاشیندا قارا چارشاب باشیندا
اولدوز یئددی یاشیندا
قارا چارشاب باشیندا
قوشولاراق کوکبه
یولا دوشدو مکتبه
معلم ایلک درسینه
ایقدام ائتدی ترسینه
آنا دیلین بوشلادی
آیری دیلده باشلادی
دئدی آچین کیتابی
بیلن وئرسین جاوابی
چؤره یی گؤستره رک
اولدوز سسلندی "چؤره ک" یوخ!
کوکب جاواب وئر: "نان"
اولدوز ائشیت٫ سنده قان!
سؤیله اولدوز! نه دیر بو؟
اولدوز جاواب وئردی: "سو"
یوخ! کوکب سن وئر جاواب!
کوکب جاواب وئردی "آب"
کوکب سوینجه دولوب
اولدوزون رنگی سولوب
سولوب دایاندی اولدوز
اولدوز تک یاندی اولدوز
ائوه گلنده آنا
اونو باسدی باغرینا
"آنا قوربانین اولسون
نه یازدین٫ نه اوخودون؟
" دن سو وئریب قوشونا
گئچدی سوفرا باشینا
"سوال وئردی آنا جان٫
بو "چؤره ک"دیر یوخسا "نان"؟
بس بو نه دیر "آب" می "سو"؟
آنا جاواب وئردی "سو"
اولدوز سئویندیییندن
آناسىیلا اؤپوشدو
آنا باخیب اوزونه
سؤیله دی اؤز اؤزونه:
یا معلم آزیبدیر!
یا کیتاب سهو یازیبدیر!<
