دوشنـده طــرهٔ دلبــر خیــالــه آخشــامــلار

دوشنـده طــرهٔ دلبــر خیــالــه آخشــامــلار

محبّت اهلی باتـار میـن مـلالـه آخشـامـلار

شکستـه بـولبـولـه بنـزه ر بـلا چکـن عــاشیــق

گـولـونـدن اؤتـرو ائـدر آه و نـالـه آخشـامـلار

گونوزلر عاشیقه طعن ائتمه کی گولوب دانیشیـر

سالار فراقین اونو گـور نـه حـالـه، آخشـامـلار

دوشنده زولفون اوزه، قاشلارین خیاله دوشر

باتاندا گون، باخار عـالـم هیـلالـه آخشـامـلار

شرابی یارسیـز ایچـرسـن بیـر آزدا غـم گتیـره ر

گول اوزلـو یـار ایلـه اول همپیـالـه آخشـامـلار

بیـر اؤزگـه لـذتـی وار، عـاشیـق ایلـه معشـوقـه

رقیب سیـز اولا محـرم وصـالـه آخشـامـلار

میسّر اولماسا گـونـدوز سنـه شـراب ایچمـک

اوُنـوتمـا، واحـد، اونـو لامحـالـه آخشـامـلار

آنا دیلیم

آنا دیلیمسنله یاشاییرام، سنینله وارام
حیات پیکریمه، گؤز آنا دیلیم
سنسن اسکی گونوم، گله‌جه‌ییمده
یابانجی سؤزلره، دؤز آنا دیلیم

حیات اینجه‌لیین، گول بوداغیندا
شیرین نغمه‌لری، یار دوداغیندا
شئعر چیچکلرین، موغام باغیندا
سؤیله‌سن سئویملی سؤز آنا دیلیم

یالتاقلیق قوخوسو، سنه چاتماسین
قارشی چیخ یاساغا، حاققین باتماسین
ائله آرخالان کی، سنی آتماسین
صنعت دریاسیندا، اؤز آنا دیلیم

سمادان گئنیش سن،دنیزدن درین
گاهدان آتش کیمی، گاهدان دا سرین
یوکسه لیر سنینله ایگیدین، ارین
بیر گون قور ائده‌جک کوز، آنادیلیم

کور اولسون خوز باخان گوزلری سنه
دوشمه‌سین وارلیغین دومانا- چنه
سئوگیلیم بیرلیکده دئیه‌ک وطنه
یاشاسین ائل اوبام، اؤز آنا دیلیم

سویله دردیمیزی، تاپ درمانیندا
گووه‌نک قوی سنه، ائللر یانیندا
قورقود دده میزین دئنن شانیندا
آشیقلار سازیندا، سؤز آنادیلیم

عصیرلردن باشدا بیزه ساری باخ
دوستلاری سئویندیر، دوشمنلری یاخ
((آفاقا)) یاییلیب زنگین‌لییین باخ
اینجی‌لر مصراعدا، دؤز آنا دیلیم

کیشی چوخدی آما اولماز بیری کوراوغلی کیمین

هر کیم اولسه وطن اوچون دمه اولمیش دیریدی

هر کس ایشی دیر اولسون وطن اوچون

کیشی چوخدی آما اولماز بیری کوراوغلی کیمین

سینه سپر نعره چکسون وطن اوچون

دمه افساندی بوسوزلر دمه جانم

هر کس ایشی دیر افسانه اولسون وطن اوچون

سنسیز سئویرم سنسیز گولورم

 

سنسیز سئویرم سنسیز گولورم

قلبیم بیر قورویان دنیزدیر آخی

سنی اؤزگه‌سیندن آلا بیلمیرم

محبت هامییا عزیزدیر آخی

سوروشما نه‌دندیر اورگیمده قم

بو منیم طالعیه شیکایتیمدیر

بو منیم سئوگیلیم بو منیم یاریم

بو منیم اوغورسوز محبتیمدیر

ایستردیم اونودوم سنی ابدی

نه یازیقکی قلبیم یئنه یوخ دئییر

قورتولماق ایسته‌دیم عشق عذابیندان

دیل اونوت دئسه ده قلبیم یوخ دئییر

قالمیشام ایکی یول آراسیندا من

بیری اونوت دئییر بیری سئو دئییر

نه سئوه بیلیرم نده اونودا

بئله‌جه سئودیگیم بونو بیلمه‌ییر

آیری دوشدوم وطنیمدن، ائلیمدن،

آیری دوشدوم وطنیمدن، ائلیمدن،

باشی چنلی، قارلی داغلار، قال ایندی!

ایچن اؤلمز درده درمان سویوندان،

آخار سولار، تر بولاقلار، قال ایندی!

بئیوفاسان، من گؤرمه‌دیم وفانی،

چوخ چکمیشم سنین جؤورو جفانی،

مندن سونرا رقیب سورر صفانی،

فرش دؤشه‌لی آغ اوتاقلار، قال ایندی!

ایلقارسیزسان، وفان یوخدو دونیادا،

دوستونون سیرّینی وئریرسن یادا،

شامامانی دردیریرسن خوریادا،

سبزه بوستان، ساری تاغلار، قال ایندی!

قوربانییم، یقین اولدو سؤزلریم،

عشق الیندن کاباب ایستر گؤزلریم،

قان تؤکورسن قوربت ائلده، گؤزلریم،

آغلا، جانان دئییب آغلا، قال ایندی

«نه گؤزلسن!» ایکی کلمه سؤز دئدیم.

«نه گؤزلسن!» ایکی کلمه سؤز دئدیم.

منیم کیمی بینوایا بیر ده گۆل!

اؤلدورسه‌لر یالان گلمز دیلیمه،

سن سالمیسان بۇ بلایا، بیر ده گۆل!

اێسمتینی اؤیرنمیشم گؤزوندن،

آ بختور، نۇر تؤکولور اۆزوندن،

الله حاقی اینجیمه‌رم سؤزوندن،

بۇ یاشیمدا بۇ سئودایا بیر ده گۆل

جانیم یامان اۆشوموشدو، ایسیندی،

سن خوْشبخت اوْل گۆلمه‌یینده بسیمدی.

دینله‌دیگیم نغمه‌دی، یا سسیندی؟!

رشید دئییر من قوْجایا بیر ده گۆل!

ائله بیلمه گۆلونج گۆنه قالمیشام،

بیر چیچه‌یین اترین آلدیم، سرخوْشام.

بیر جئیرانین کؤلگه‌سیندن وۇرموشام،

اذیتیم دؤندو زایا بیر ده گۆل،

آچین آققیشقالاری...

قاپی تاختا ، دالی سالقی ،

باجا باغلی ، سه سیم آرقین

نه گئدیر سَس ، نه گلیر های

اولدو کال کلمه لر اوسته عملیم زای

آچین آققیشقالاری...

در ها همه بسته ،

در ها را قفل بستند

دریچه ها بسته شدند

صدایم خسته شده

نه صدایی می شنوم و نه صدایی می آِید

با کلمه های نا پخته همه ی کار هایم نابود شدند

پنجره ها را باز کنید...

سوری(جهنم ده بیتن گول)

سوری(جهنم ده بیتن گول)

فلکین قانلی الیندن بیر آتیلمیش یئره اندی،

بیر فلاکت آنانین جان شیره سیندن سودون امدی،

بوللو نیسگیل شله سین چیگنینه آلدی .

تای توشوندان دالی قالدی،

ساری گول مثلی سارالدی.

گونو تک باغری قارالدی.

خان چوبانسیز سئله تاپشیرسین اوزون،

یوردوموزا بیر سارا گلدی.

بیر وفاسیز یار الیندن یارا گلمز سانا گلدی.

بیر یازیق قیز ، جان الیندن جانا گلمز جانا گلدی.

کئچه جکده «الموت» دامنه سیندن بورایا درمانا گلدی.

بیرآدامسیز «سوری» آدلی، الی باغلی، دیلی باغلی!

سورو کیمدیر؟
بیر گول دو جهنمده بیتیبدیر
سوروبیر دامجی دی گوزده ن آخاراق اوزده ایتیبدیر
سورو یول یولچوسودور اگری ده یوخ دورده ایتیبدیر
سورو بیرمرثیه دیر اوخشایاراق سوزده ایتیبدیر
او کونول لرده ایتمیش دی ازلدن
اودوگوزده ن ده ایتیبدیر
سورو بیر گوزلری باغلی
اوزوداغلی سوزو داغلی
اولوب هاردان هاراباغلی؟


بوشلاییب دوغمادیارین
اوموب البته یاریندان
ال اوزوب هرنه واریندان
قوخماییب شهریمیزین قیشدا آمانسیز بورانیندان
نه قاریندان
گزیر آواره تاپا یاندیریجی دردینه چاره
تاپا بیلمیر
چوخ سئویر عشقی باشیندان آتا
آمما آتا بیلمیر
اووا باخ اووچو دالینجا قاچیرآمما چاتابیلمی
ایش دونوب لیلی توشوب چوللره مجنون سوراغیندا
شرین الده تئشه داغ پارچالاییر فرهاداوتورموش اوتاغیندا
تشنه لب قو گور نئجه جان وئری دریا قیراغیندا
وارلیقین سون اثری آز قالیر ایتسین یاناغیندا
سانکی بیر کوزدو بورولموش کوله وارلیق اوجاغیندا
کوزه ییر پیلته کیمین یاغ توکه نیب دیر چیراغیندا
بوی آتیر رنج باغیندا قوجالیر گنج چاغیندا
بیر آأامسیز سورو آدلی
الی باغلی
دیلی باغلی.........

Salam, Dar ağacı

Yolumu gözlədin hər səhər-axşam,
Salam, Dar ağacı!
Əleyküm-salam.
Əcəllə ölməyə doğulmamışam,
Salam, Dar ağacı!
Əleyküm-salam.

O hansı millətdir, taleyi sirdir?
Yüz adla bölündü, yenə də birdir!
Məni hüzuruna bu dərd gətirdi,
Salam, Dar ağacı!
Əleyküm-salam.

Xəzəri, Baykalı, Aralı gördüm,
Gördüm can üstədir, yaralı gördüm.
Tanrını bəndədən aralı gördüm,
Salam, Dar ağacı!
Əleyküm salam.

Çarxı tərs fırlanır fələk qarının,
Turan kölgəsində budaqlarının.
Rəngi bayrağımda yarpaqlarının,
Salam, Dar ağacı!
Əleyküm salam.

Əvvəlin axırı, sonun əvvəli
Buymuş, bilməmişəm bunu mən dəli.
Qorxum yox! Nə olsun boyun göy dəlir?!
Salam, Dar ağacı!
Əleyküm-salam.

Danış, Əmir Teymur, bu son nəydi bə?
Boynumda ağ kəfən, dilimdə tövbə...
Dərsini tərs bilən, mənimdi tövbə!
Salam, Dar ağacı!
Əleyküm-salam!

Səni mən əkmişəm...Mənə sən qənim,
Səni suvarmağa halaldı qanım;
Yarpağın rəng alsın qanımdan mənim,
Salam, Dar ağacı!
Əleyküm-salam!

Ey darın ağacı! Kimdən kəməm, kəm?!
Ya səni yendirrəm, ya sənə yennəm.
Ya da budağında yarpağa dönnəm,
Salam, Dar ağacı!
Əleyküm-salam.

Qırğızam, özbəyəm, qazax, türkmənəm,
Başqırdam, kərkürəm, elə görk mənəm.
Sənin gözlədiyin qərib türk mənəm!
Salam, Dar ağacı!
Əleyküm-salam.

Qəbul et, növbəti qurbanın mənəm,
Mənim canım səndə, bil, canın mənəm.
Elə qürrələnmə, hər yanın mənəm,
Salam, Dar ağacı!
Əleyküm-salam.

یازیلمامیش شعیریم آ..ه واراق واراق توکولور

 

یازیلمامیش شعیریم آ..ه واراق واراق توکولور

قارانلوق اوجوما بوردا قوجاق قوجاق توکولور

پاییز نه چولقالاییب دی بیزیم بو باغ برنی

یازین یاشیل ساچی ایندی داراق داراق توکولور

دونن گونش گوزونه باغلانیبدی پنجره لر

بویونده مورگی گوزوندن اویاق اویاق توکولور

بو باش سیز ائللره قوشقو سیزیلتیسین قوشارام

اورک دنیزدی گوزومدن بولاق بولاق توکولور

سیزین ده آی قارا یئل لر سینیدی کاش قانادیز

بیزیم بوباغچادا شنلیک بوداق بوداق توکولور

بو تورپاقا نه گلیبدی هایاندادی ییه سی

باش آچمامیش زمی بوردا اوراق اوراق توکولور

بو توستولو گئجه لرده گرگ اولام آلیشیق

قیزیل آلوودی ایچیمدن اوجاق اوجاق توکولور

گرگدی جنگی کوراوغلو قوپوزلارا کوک اولا

کی قورتولوش پیالامدان آراق آراق توکولور

اوقدر قوشقو ایچیمدن دئیلمه میش قالدی

یازیلمامیش شعیریم آ...ه واراق واراق توکولور