درباره من
اوغوز خان تورک ائلینین آتاسی و حاکمی ایمیش اوغوز خان حاقیندا بیر سیرا دستانلار و افسانه لر و تاریخی سندلر وارکی آراشدیرارکن بو نتیجه یه گلمک اولورکی او (حضرت نوح) نوه سی و یافث.نوح اوغلونون اوغلویدور.تورات کیتابی دا بونو حاقلیر کن.موسولمان تاریخ یازان (رشیدالددین) اوزکیتابی (جامع التواریخ) ده بونا ایشارت ائدیرکی اوغوز نوح اوغلو یاقثین اوغلودور و او تورک لرین بویوک آتاسی دیر. اوغوزون آلتی اوغلو واریدیر اوغوز خانین اوغلانلارینین هر بیرینده ن ۴ قبیله آیریلیر.بو ۲۴ قبیله یه اوغوز قبیله لری دئیلیر.بوگونکو تورک لر (ایران.ترکیه.آذربایجان
.ازبکستان.ترکمنستان.قزاقستان.
قرقیزستان.عراق.بوسنی.
بولقار.مجار.فنلاند...اوغوزو
ن نسلیندن سایی لیرلار.
-----------------------------
اوغوز بابا
قیلینج لارین سسی گلدی
گئچمیشلردن ، اوزاقلاردان
آت کیشنه دی
((ایتی)) چایین قیراغیندا
اوغوز بابام قییها چکدی
غضبیندن یئره گؤیه
نیفرین دئدی
حارام اولسون سیزه منیم
آدیم ، سانیم
آی بئ غئیرت اوغوللاریم
((مورو)) داغی دوشمن باسیب
((کلبجریم)) یارالیدیر
باتدی منیم آدیم سانیم
باسیلیبدی قاراباغیم
نه یاتیب سیز عارسیز-عارسیز
دده قورقود بویلاریندا
اؤلدو داها ((قارا چوبان))
یالان اولدو دلی (( دومرول))
حاییف اولسون او آدلارا
حاییف اولسون
تاریخ دولو شان شوهرتلی
آدا ، سانا
دوشمن باسدی قاراباغی
ادامه...
قلبیمده سنین ، من ده سنین، جاندا سنیندیر
ییخسان داغیدیب، محو ائدیب آتساندا سنیندیر
گوندوزلری هیجرانینا یوخ تاب و توانیم...
هیجران گئجه سین دن نه جفا ، آه نه جفا چکمه دی جانیم
سن گول منه گول ،گوی بو حیاتین اوزو گولسون
بال شهد لبیندن سوزولوب شیره توکولسون
آچ زولفونو قوی دان یئلی چهرنده سوکولسون
قوربان دیله سن ،جاندا دئسن ،جان دیله سن،جاندا سنیندیر
یاغش یاغر داشلارا.
یاغش یاغر داشلارا.
کربیک دییر قاشلارا.
دیین اوچان قوشلارا.
ابارسن بیزدن سلام وفالی یولداشلارا.
گوزده ن آخان یاشا دئونسم
بیر قانادسیز قوشا دئونسم
انتظاردان داشادئونسم
سنی یادان چیخاتمارام
داغلار باشی دوماندی گنه دوماندی یار گنه دوماندی...
داغلار باشی دوماندی گنه دوماندی یار گنه دوماندی...
ایرلغین اولمدن منه یاماندی یار منه یاماندی...
سویله نه دور بو ادالار بوعشوه بو ناز..
گدر ای قیز بوگوزلیک سنده قالماز..
یالقزام یالقیز.گل گوزل ای قیز..
گل منی محنته اودا سالان وفاسیز..
سوله نه دور بو ادالار بوعشوه بو ناز
گیدر بیر گون بو گوزکیک سنه ده قالماز..
قلبیم سنین اسیرین.کونلوم سنیدور یار.کونوم سنیدور.
انصاف ایله خوش سوزله منی گل دیندیر یار.منی گل دیندیر...
سویله نه دور بو ادالار بوعشوه بو ناز..
بیلدیم‌کی بو نازیندان بیر لحظه دایانمازسان
بیلدیم‌کی بو نازیندان بیر لحظه دایانمازسان
کونلومده اولان درده هرگیز سن اینانمازسان
معناسی نه دیر دوشسم تورپاغینا ذیلت له؟
اؤپسم ده آیاغیندان بیـر حالیمه یانمازسان
سوزوئـرمیشدین‌کامه‌آمـمابونه‌تئزلیکله
بیـرعومورگئـچیب‌گئـتدی‌اوزوعده‌نی‌دانمازسان
ٍمن‌اؤلمه‌لی‌اولسامدا، باری سن‌اؤزون اولدور
لاکـین بیلـیـرم لطفـا قـانیما بـولانمازسان
خاقانی‌نین‌هرده‌ن بیردؤیدون‌قاپی‌سین‌گـؤردون
قان‌منزلـی‌نی‌باسـمیش،قـاچدین‌داهاآنمازسان
خاقانی‌اؤز عشقینده ثابیت قدم اول جان قوی
باش گئتمه سه بویولدا وصلینی قازانمازسان
خاقانی
اوزومو بوغدا بازاریندا گوروب جان دئمیشم
اوزومو بوغدا بازاریندا گوروب جان دئمیشم
دلی شیطانه اویوب کفره من ایمان دئمیشم
تب و تاب ایچره زلیخا کیمی ارکانی دانیب
کافر اولماقدا یازیق یوسفه بهتان دئمیشم
یئر عزیزیندن اوتاندیم، عزیز آللاهیم هانی؟
قبله م ایتمیشدی بالام مصرینه کنعان دئمیشم
دئدیم اینصاف ائله ها دونیا نی بئش اللی توتما سن
یوخسا من ده سنه تای انجیله قورآن دئمیشم
یوخ صنم آنلامادیم شهریاریمداندی بو سوز
اولدو ترسا بالاسی شامینه صنعان دئمیشم
بو نه شیخ دیر کی خدایا ارییب گوزلره باخ
آز قالیر آخسین اوزوندن یئره حیوان دئمیشم
دیل آغیزسیزدی بوغاز قوپ قورو صحرایه دونوب
بیر ایچیم عشقه اومار عاشیقه عطشان دئمیشم
بو سوسوزلوق لب لیلایه چکر مجنونومو
بو نه دریادی کی غواصینه طوفان دئمیشم
ائله شیرین دی کی اعماقینا فرهاددا جوموب
جان باغیشلار ال آچیقلار کیمی مهمان دئمیشم
ائله بیر در و صدف تاپمامیشام کی شئح چکه
دیبی ایتگین سودادیر خضره من احسان دئمیشم
عشقی من آب حیاتدان بتر آختاردیم اینان
بونو تاپماز آدی فرزانه لر هذیان دئمیشم
دلی ئیوانه اولاندان بری آغلار بو گوزوم
چیخا دای وای نه دی یارب اوخا درمان دئمیشم
رب الاعلی دئمه دیم فرعونا برک دیدی سوزوم
دئدیم اولسمده خوشام گوزلری قوربان دئمیشم
دئدی سن آسیه سن هئی باشیمی تخته چالیب
دولدوروب قانی قیزیل تشتینه خسران دئمیشم
بو نه هیجران دی کی جانان قلمی سرمه چکر
ندی وصلت متحیر اودا رضوان دئمیشم
سیزلاییر احوالیما صبحه قدر تاریم منیم
سیزلاییر احوالیما صبحه قدر تاریم منیم
تکجه تاریم دیر قارا گونلرده غمخواریم منیم
چوخ وفالی دوستلاریم واردیر، یامان گون گلجه یین
تاردان اوزگه قالماییر یار وفاداریم منیم
یئر توتوب غمخانه ده، قیلدیم فراموش عالمی
من تارین غمخواری اولدوم، تار غمخواریم منیم
گوزلریمه هر تبسم سانجیلیر نئشتر کیمی
کیپریگی خنجردی، آه، اول بی وفا یاریم منیم
آسمان آلدی کناریمدان آی اوزلو یاریمی
یاش توکر اولدوز کیمی بو چشم خونباریم منیم
ای بو غملی کونلومون تاب و توانی، سویله بیر
عهد و پیمانین نه اولدو، نولدو ایلغاریم منیم
"شهریار"م گرچی من سوز مولکونون سلطانی یم
گوز یاشیمدان باشقا یوخدور در شهواریم منیم
باشقا بیریسینی سئـوه بیلمزسن
باشقا بیریسینی سئـوه بیلمزسن
هله قلبیمیزده خاطیـــــــره ایزی
هله آیریلیغین نملی دیـــــر گؤزو
هلــه کی سئویریک بیرـ بیریمیزی
باشقا بیریسینی سئوه بیلمزســـن
گؤر نئچه نغمه نین بسته سی قــالیب
بو اوجاق سؤنوب سه توستوسو قالیب
الینده الیمین ایستـی سـی قــــالیب
باشقـا بیریسینی سئـــــوه بیلمزسن
اینجیدیب قلبیمــــه دیه بیلمیرسن
یولونو بیر یوللوق ایه بیلمیــــرسن
منه « یوخ » سؤزونو دئیه بیلمیرسن
باشقا بیریسینــی سئوه بیلمزســن
ایل کئچیر ، عؤمورده خاطیره قالیر
باهار گوللریمیز غنچه ده سولـــور
هلــه کی گؤزلرین منی آختاریــر
باشقـا بیریسینی سئـوه بیلمزسن
آخار گؤزوموزون یاشی قورومـــاز
دئییردیک بو ایلقار پئیمان پوزولماز
بئله سئوه ـ سئوه آیریلیق اولمــاز
باشقا بیریسینی سئوه بیلمزسن
ای ساریبان آهسته گئت، آرام جانیمدیر گئدن
ای
ساریبان آهسته گئت، آرام جانیمدیر گئدن
یار کونلومو چکمیش منیم، روح و روانیمدیر گئدن
سعی ائیله دیم افسونیله، پینهان قیلام من دردیمی
پینهان ایشیم چیخدی اوزه، سیریله قانیمدیر گئدن
قالدیم بئله زار و ذلیل، بیچاره یم قلبیم علیل
دوشدوم او دیلداردان اوزاق، آسوده یاریمدیر گئدن
یوخ عهدینین بونیادی هی، بیتمز اونون بیدادی هئچ
چیخماز کونولدن یادی هئچ، ان خوش زمانیمدیر گئدن
بیر آن دایان ای ساریبان، قویما گئده بو کاروان
اول سروه اویموشدور کونول، سروی روانیمدیر گئدن
بیر دون گئری ای نازنین، گوز مسکنین اولسون سنین
سن سیز بو سونسوز گویلره، آه و فغانیمدیر گئدن
جان ترک ائدنده جیسمینی، اینسان آچار اوز حیسسینی
یوخدی سوزون گورموش گوزوم، بو خسته جانیمدیر گئدن
سعدی سنه لایق دئیل، یاردان گیلئی ای بیوفا
چوخ گوردوم اوندان من جفا، صبر و توانیم دیر گئدن
کیم کی، میخانه نی بو دهرده بنیاد ائتدی،
کیم کی، میخانه نی بو دهرده بنیاد ائتدی،
حق اونو شاد ائده کیم، عالمی دلشاد ائتدی.
سیل غم ائتمیش ایکن عالم امکانی خراب،
رحمت اول شخصه کی، میخانه نی آباد ائتدی.
بندۀ پیر مغانم کی، عنایت لر ائدیب،
اؤزلوگومدن منی بیر جام ایله آزاد ائتدی.
زاهدا، دختر رز امّ فساد ایسه اگر،
نخل انگوری نئچین حق اؤزو ایجاد ائتدی؟
هامی مسجید طرفه گئتسه اگر، ای سیّد،
بس نئچین پیر مغان میکده بنیاد ائتدی.
سئوگیلیم، زولفونه عنبر دئدیلـر، مـن ده دئـدیـم
سئوگیلیم، زولفونه عنبر دئدیلـر، مـن ده دئـدیـم
اوزونـه مـاهِ منــوّر دئــدیلــر، مــن ده دئــدیــم
نئجه کـافـر دئییـم اول گـؤزلـرینیـن مـردومـونـه
فتنـه اوستـادینـا کـافـر دئـدیلـر، مـن ده دئـدیـم
آز دئییلـدیـر منـی ده عشقـده مجنـون ائلــه یــن
سنـی لیـلایـه بـرابـر دئـدیلـر، مــن ده دئــدیــم
اذن وئر عاشیقین، ای گول، سنه ظـالیـم دئمـه یـه
رحم سیز دیر بو گؤزه للر، دئدیلر، من ده دئـدیـم
بـاغ ِ جنتـده جمـالیـن کیمــی اولمــاز، بیلیــرم
لبینه چشمه کوثر دئدیلر منده دئدیم
آفرین خلقته اولسـون کـی، گـؤزه للـر یـارادیـب
نـه قـدر خلقتـه آفـر دئـدیلـر، مـن ده دئــدیــم
ای زولیخـایِ زامـان، بیـرجـه سنیـن خـاطـرینـه
یوسیـفِ مصـره پیمبـر دئـدیلـر، مـن ده دئـدیـم
ائـل ایچینـده نـه قـدر گـؤر منـه تـأثیــر ائلــه دی
سئودیگیم شوخا، ستمگر دئدیلر، من ده دئدیم
غزل اوستـادی فضـولـی لـری وار اؤلکـه میـزیـن
واحدی اونلارا چا کـر دئـدیلـر، مـن ده دئـدیـم
