درباره من
اوغوز خان تورک ائلینین آتاسی و حاکمی ایمیش اوغوز خان حاقیندا بیر سیرا دستانلار و افسانه لر و تاریخی سندلر وارکی آراشدیرارکن بو نتیجه یه گلمک اولورکی او (حضرت نوح) نوه سی و یافث.نوح اوغلونون اوغلویدور.تورات کیتابی دا بونو حاقلیر کن.موسولمان تاریخ یازان (رشیدالددین) اوزکیتابی (جامع التواریخ) ده بونا ایشارت ائدیرکی اوغوز نوح اوغلو یاقثین اوغلودور و او تورک لرین بویوک آتاسی دیر. اوغوزون آلتی اوغلو واریدیر اوغوز خانین اوغلانلارینین هر بیرینده ن ۴ قبیله آیریلیر.بو ۲۴ قبیله یه اوغوز قبیله لری دئیلیر.بوگونکو تورک لر (ایران.ترکیه.آذربایجان
.ازبکستان.ترکمنستان.قزاقستان.
قرقیزستان.عراق.بوسنی.
بولقار.مجار.فنلاند...اوغوزو
ن نسلیندن سایی لیرلار.
-----------------------------
اوغوز بابا
قیلینج لارین سسی گلدی
گئچمیشلردن ، اوزاقلاردان
آت کیشنه دی
((ایتی)) چایین قیراغیندا
اوغوز بابام قییها چکدی
غضبیندن یئره گؤیه
نیفرین دئدی
حارام اولسون سیزه منیم
آدیم ، سانیم
آی بئ غئیرت اوغوللاریم
((مورو)) داغی دوشمن باسیب
((کلبجریم)) یارالیدیر
باتدی منیم آدیم سانیم
باسیلیبدی قاراباغیم
نه یاتیب سیز عارسیز-عارسیز
دده قورقود بویلاریندا
اؤلدو داها ((قارا چوبان))
یالان اولدو دلی (( دومرول))
حاییف اولسون او آدلارا
حاییف اولسون
تاریخ دولو شان شوهرتلی
آدا ، سانا
دوشمن باسدی قاراباغی
ادامه...
ایتیر بیر زاد
ایتیر بیر زاد
هر زامان، نم هاردا!
ایچیمده کی بوشلوقلاردیر اونون ایزی
نه تاپیلیرام کؤکوم اوزانارکن!
نه چاتیلیرام، امودلاریم گله جگه قاچا قاچا ...
هله لیگیم قاپاق اولور روحومداکی قویولارا!
وارلیغیملا آختاریرام یوخلوقلاری دولدورماغا!
هردن سئودا، آزادلیغا!
هردن اؤزگور، اینسانلیغا!
هردن ساواش...
هردن باریش...
بیتمه یه جک بو آختاریش!
" لب لــــرین دردیـــمه درمان دئـــدیلر ، جانانین
" لب لــــرین دردیـــمه درمان دئـــدیلر ، جانانین
بیلدیلر دردیـــمی ، یـوخدیــــر دئـدیـلر درمانین
تاکی باخدیم دهنین غونچه کیمی ، آچماغینا
کـــوکـــونه تیشه وئـریلدی ، لب نـــن ایمانین
گوزلرین تا کـــی دولاندیردی باخا ، عاشیقینه
ماوی گوزلــــر شپه لندیردی ، سویون دریانین
تاگلیب مرهــــم اولا ، جــانیما او مـــــه پــاره
یخیلار جان ائــوی حتمن ، بــو سایاق بیمارین
گـول کیمی عطر ساچیر ، باغ دا گزن ده یاریم
روتبه سی چوخ آزالــیـر ، یازدا آچـان گولزارین
نفسی مشگ ختن دیر بو ایشین سیرری ندیر
دیــــه بیلمز یغیشا ، طـالـــع آچان ، اسراریـــن
نه بیلیم بیر بئله گـویچکلیگی او کیم دن آلیب
دئــمه مـجـنـون دا قـالـیـب ، اوصافـیـنـا لیلانین
اندامی سرو آغاجین ، قامتینه کـــولـگه سالیر
گــوز نظردن قـــوروسون ، تاری گـــوزل رعنانین
صحبتی مست ائلییر غونچه دهن دن چیخالی
باغـلانـیـر حنجره سی ، وجــده گـلن شیدانین
(کیانام) خان چوبانین ، عشق ده صادق بیلیرم
نیه کی هیجر اودونا ، یاندی چـوبـان ، سارانین
سن سیزلمیشم
سن سیزلمیشم
باخ گولوم گلدی باهار آچدی بولاق لار گؤزونو
یار اینانما بو گؤز یاشلاری باغلار گؤزومو
قورخورام سنسیز اؤلم، آغلایاسان آرخامجا
آخی اؤلسم ملکیم کیم سیلر آغلار گؤزونو
نه قده ر گؤینه میشم، نه قده ر سیزلامیشام
نئجه یالقیزلامیشام، یار نئجه یالقیزلامیشام، آه نئجه یالقیزلامیشام
بو کؤنول دفترینه، درد، کده ر یازدی فلک
بو غریب طالعیمه گؤرکی نه لر یازدی فلک
نه یلریم آخی من سنسیزلیگه اؤیره شمه میشم
منه غربتده کئچن، عؤمرو هده ر یازدی فلک
آه نه قده ر گؤینه میشم، گؤز یاشین گیزله میشم
نئجه سنسیزله میشم، یار نئجه سنسیزله میشم
مارال چیخدی داغ دوشونه
مارال چیخدی داغ دوشونه
سحر واختی گوله گوله
ساغ الیله سول دوشونه
بیر گول تاختی گوله گوله
بیله رزیگی آغ آلتوندان
یئره دوشدو گوی آتیندان
آلا گوزلر قاش آلتیندان
سوزوب آخدی گوله گوله
دئدیم:آی قیز نه دیر آدین
دئدی:منم گوزون آیدین
دئدیم: بیزه دوست اولایدین
دونوب باخدی گوله گوله
دئدیم:آیدیر گوندور اوزون
دئدی:منی دیندیر اوزون
گلدی جاوان عمروموزون
ترلان باختی گوله گوله
آی دولاندی ایل دولاندی
اونودولدو عشقین آندی
او وئردیگی سوزو داندی
داشا چاخدی گوله گوله
گیزله ن میشدیم جاوانلیغین باغیندا
گیزله ن میشدیم جاوانلیغین باغیندا
اؤندا منی گئلدی گؤردو قؤجالیخ
جاوانلیخ تئرلانی اوشدو الیمده ن
منه وئردی غمی دردی قؤجالیخ
هاراییما چاتان دؤستوم اؤلمادی
قاشماقا واریدی قصدیم ،اؤلمادی
(آیه)قاپینی باجانی باسدیم اؤلمادی
آچیب پنجره دن گیردی قؤجالیخ
ایشتاهیم کئسیلیب نازی نعمتدن
دؤلمادان ،کابابدان ،پلؤودان ،اتدن
گؤزللر یانیندا دوشدوم حؤرمت دن
باشیمدا یوز کئلک ووردو قؤجالیخ
داشدیم چایلار ،کیمی آخا بیلمه دیم
گوله شدیم من اؤنو ییخا بیلمه دیم
چالیشدیم الیندن چیخا بیلمه دیم
آغیر یوکدو ،یامان زؤردو قؤجالیخ
شمشیر یئمه سنده ،دورماق اؤلمور آج
حکیم وئرن دیشدن اؤلمادی علاج
اؤلمه سم بسیم دی تاپاندا اوماج
تیکه بؤغازیمی جیردی قؤجالیخ
شعر رحمتدیک ده ده شمشیردن
قناری جان نیچون چوخلو غمگین سن
قناری جان نیچون چوخلو غمگین سن
منم قلبیم کیکین سنده یفقین در فکر تسکین سن
قناری جان غموندن یاخشه درکیم وار
باشیوندا اوچما فکرون وار
اوچوپ قاشماخ ارا اشماخ
دورگنیدن دوروییدناوزاخلاشماخ
قناری جان چوخ ایستردیم اوچایدون سن
اوجایرلرده سیرادمیش قانادلاروناچایدون سن
اوجایردن اوجا فریادیلان فریادادیدون کاش
هامه نامرد لرین رویالرین برباد ادیدون کاش
که ای سیزلر مین لر گجه یلدا سیزه لای لای چالبده
سیز یوخلایب سیز دوریزه دوشمن الیبده
یاتان لار خواب غفلتده
یاتیپ قالدیز جهالتده
چکین سیز ال بو عادتدن
دورین خواب جهالتدن
دورین خواب جهالتدن
هر عاشق اولان عشقه گرفتار اولابیلمز
هر عاشق اولان عشقه گرفتار اولابیلمز
هر خورما ساتان میثم تمار اولابیلمز
مخلوق خداوند اوزونه اولمیان عاشیق
حق عاشقه تک صاحب ایثار اولابیلمز
دونیا مالونا شهرتینه وورقون اولانلار
انفاق ایلهمز طالب دیدار اولابیلمز
ماموره اگر رشوه یماخ اولماسا عادات
مظلوملارین قاننه ظالم سورا بیمزا
میمون تکین هر سوزه تقلید ایلینلر
اندیشه ادیب صاحب افکار اولابلمز
نییه سن ساچلاریوی مندن آخی گیزله دیسن ؟؟
اولمویا شوخلوق اوچون سنده چچل سن گوزلیم
سنین عشقیندن اوزاق گزمه رم من حتی اگر
او کامان قاشلاریوینان منی دَل سَن گوزلیم
الرم جانیمی قوربان سنه تای نازلی یارا
اگر کی بوسه اوچون بیر قوناق گَل سن گوزلیم
ائلیمین اوبامین سازینا بندم
ائلیمین اوبامین سازینا بندم
ظولمه باش اَیمی‌ین قئزینا بندم
گورمه‌لی قئشینا یازینا بندم
الدوزلار ایچینده دان اولدوزویام
افتخاریم بو دور آذر قئزییام
بینامی قویوبدور عشقیله آنام
اویره‌دیب ائلی مین دردینه یانام
اولکه‌می عزتیم شرفیم سانام
الدوزلار ایچینده دان اولدوزویام
افتخاریم بو دور آذر قئزییام
کوکومو قازمالار، قورودا بیلمز
اوزگه‌لر دیلیمی اونودا بیلمز
سوزو دوشونمی‌ین، بونودا بیلمز
اولدوزلار ایچینده دان اولدوزیام
افتخاریم بو دور آذر قئزییام
قوربانام آدینا آذربایجانین
یورغون اولادینا آذربایجانین
ائل چاتسین دادینا آذربایجانین
الدوزلار ایچینده دان اولدوزویام
افتخاریم بو دور آذر قئزییام
عهد ایلمیشم سن کیمی بیر یاریم اولایدی
عهد ایلمیشم سن کیمی بیر یاریم اولایدی
اؤپم بوخوقیندان او منیم کاریم اولایدی
اولماز بئله قامت بئله گردن بئله سیما
به به نه دئیم شوکری خودانین کرمینه
نذر ائیله میشم کونلومو زولفویله آلان گؤن
قوربان اله ییم گوشه ی چشمینده کی خاله
اولماز بئله قامت بئله گردن بئله سیما
به به نه دئیم شوکری خودانین کرمینه
