ای خوش اول مست که بیلمه زغم عالم نه ایمیش

ای خوش اول مست که بیلمه زغم عالم نه ایمیش

نه چکر عالم اوچون غم نه بیلیر غم نه ایمیش

بیر پری سلسله عشقینه دوشدوم ناگه

شیمدی بیلدیم سبب خلقت آدم نه ایمیش

واعظ اوصاف جهنم دئیر ای اهل ورع

وار اونون مجلسینه بیلکی جهنم نه ایمیش

اوخی کوکسیمدن اوتوب قالمیش ایمیش پیکانین

آه بیلدیم سبب آه دمادم نه ایمیش

ای فضولی مزه ی ساقی و صهبا بیلدین

توبه قیل تا بیله سن زرق و ریا هم نه ایمیش

امشب ای ماه به درد دل من تسکینی ...

امشب ای ماه به درد دل من تسکینی ...
 آخر ای ماه تو هم درد من مسکینی

کاهش جان تو من دارم و من می دانم....

که تو از دوری خورشید چها می بینی

تو هم ای بادیه پیمای محبت چون من.....

سر راحت ننهادی به سر بالینی

هر شب از حسرت ماهی من و یک دامن اشک....

تو هم ای دامن مهتاب پر از پروینی

همه در چشمه مهتاب غم از دل شویند....

امشب ای مه تو هم از طالع من غمگینی

من مگر طالع خود در تو توانم دیدن....
 که توام آینه بخت غبار آگینی

وفــای وصــل قــدرین، هجــردن بیمار اولاندان سور

وفــای وصــل قــدرین، هجــردن بیمار اولاندان سور
زلال ذوق شــوقــــون، تشنــه دیــدار اولانـــدان سور

لبیـن سـرین گلیب گفتاره، من دن اؤزگه دن سورما
بو پنهــان نکــته نــی بــیر واقف اسـرار اولاندان سور

گؤزو یاشلی لارین حالین، نه بیلسین مردم غافـل؟
کواکــب سرینــی، شـب تا سحر بیدار اولاندان سور

خبــرسیــز اولمـا فتــان گــؤزلــرین قیـدین چکـن لردن
خبـرسیز مسـت لر بیدادینی، هشیار اولاندان سـور

غمین دن شمع تک یاندیم، صبادان سورما احوالیم

بو احوالی شب هجـران، منیم لـه یـار اولانـدان سور

خــراب جــام عشقــم، نــرگس مستیـن بیلیر حالیم
خــرابـــات اهلینیــن احــوالینـی، خمار اولاندان سور

محبــت لــذتیــن دن بــی خبـــر دیـــر زاهـــد غــافـــل
فضولی،عشق ذوقون،ذوق عشقی وار اولاندان سور

فضولی

بیلمم، نییه گئتدین ، نییه دؤندون ، نییه باخدین؟

بیلمم، نییه گئتدین ، نییه دؤندون ، نییه باخدین؟

شیمشک کیمی چاخدیندا، نئچین کؤنلومو یاخدین؟

سرپیلدی آلوو روحوما سوزگون باخیشیندان.

سارسیلدی دا هپ منلیگیم ، ای آفتی – دوران.

گل، گل، اولاییم سنده کی هر جلوه یه قوربان.

بیلمم نییه کئتدین، نییه دؤندون، نییه باخدین؟

غم توتوبدور کونولی یوخ منه همدم بو گئجه

 غم توتوبدور کونولی یوخ منه همدم بو گئجه

سئل کیمین چایلار آشیر گوز یاشی شبنم بو گئجه

گون گئدیب گوز قارالندان صونرا گلسه وطنه

منی آی اولدوزونان دفن ائدین اولسم بو گئحه

یئل چالیر قاپ باجانی من نه بولوم قصدی ندور

جام اجل الده گلیر یا منه مرهم بو گئجه

گل کونول دردیوی ده آه و فغان ائتمه بئله

حل ائدر نازلی طبیب دردیوی بولسم بوگئجه

لطف ائله دردلی کونول سویلمه هجران سوزونی

بو سوزون رعشه سالیر جانیمه هردم بو گئجه

سالمیشام بندلری دنیادا بندیم داهی یوخ

اولسامی بنده دچار زولفونه بندم بو گئجه

جان چیخیر یوللاری گوزلور ولی خسته ایکی گوز

جانی تقدیم ائدرم دلبری گورسم بو گئجه

من کی پروانه صفت یانماغا عادت ائله دیم

هارا گئتسم بولورم شمع ئیله گللم بو گئجه

فرقتین ظلمونه من بسله میشم صبر آغاجین

بیر شیرین میوه سینی شوقیله دررم بو گئجه

دلبریم لطف ائلییوب کلبه درویشه گله

یارالی قلبیمینن تئللریین هوررم بو گئجه

ایسته‌دیم آدینی قلبیمدن سیلیم

 

ایسته‌دیم آدینی قلبیمدن سیلیم

روحوم فریاد چکدی، تیتره‌دی الیم

من سنی اونودا بیلمه‌دیم گولوم

سن منی قلبیندن سیل، سیله بیلسن

تنهالیق سیرداشیم اولدو بئله‌جه

گؤز یاشیم خاتیرلار سنی هر گئجه

آخار هزین-هزین، آخار سسسیزجه

سن منه اوخشاما، گول، گوله بیلسن

او گون کی، "الویدا" سؤیله‌دین، اؤلدوم

مندن آیریلدیغین همین گون اؤلدوم

من سنی سئومیشدیم سنینچون "اؤلدوم"

سن ده سئودیگینچون اؤل، اؤله بیلسن

نه ساغ گؤزونه تاخیلان اوخ، نه آلنینی شاققالایان قیلینج،

نه ساغ گؤزونه تاخیلان اوخ،

نه آلنینی شاققالایان قیلینج،

نه کؤکسوندن-

فیشل- فیشل قان فیشقیردان

قورقوشوملار

آیاقدان سالمادی قهرمانیمی!

تکجه کوره‌ییندن،

آخ… کوره‌ییندن

قفیلدن آچیلان خیردا بیر یارا

نئجه جان اوزوجو،

نئجه دؤزولمز اولدو….

دونن بئله ایمیش،

بوگون ده بئله،

هله بلکه صاباح‌دا بئله!!

 

قورتولوشون یوُلو اوزون ،

قورتولوشون یوُلو اوزون ،

گاهدان هوُندور، گاهدان هامار ،

یوُل اوزونو آددیم باشی تیکانلار وار،

پوچاق کیمی کئسیب یاخان داشلاردا وار،

کوُل دیبینده پوسکو قورموش تولکولروار ،

... دره لرده سوُرو ـ سوُرو چاققاللاروار ،

یوُلا بئنزر اوچروملار وار ، دره لروار ،

آزادلیقین چئشید ـ چئشید دوشمانی وار ،

بویوُل گئدیرگوُن دوُغانا ، ایشیق لیقا ،

بو یوُل گئدیرآزادلیقا ، قورتولوشا ،

ای گـؤزوم ، عـالــمی انســانلیغــا محــرم ســن اگــر

ای گـؤزوم ، عـالــمی انســانلیغــا محــرم ســن اگــر
سـاکیـت اول مجلیـس میخـانــه ده ، آدمســن اگــر

عــرفــا اهلــی اوچــون مجلیــس مئـــی جنّتــت دیر
قـویمـا بـو بــزمــه قــدم ، اهــل جهنــم ســن اگــر

مئی ایچیب ، سرخوش اولوب ، اؤزگه نی تحقیر ائله مه
سـن اؤز اطـوارینـی تحقیـر ائلـه ، سـرسـم سـن اگـر

اؤلچودن خارجیـه چیخمـا ، ییخـار آخـر سنـی مئـی
توت الیم کی ، هامـی دان ایچکیـده محکـم سـن اگـر

مسـت و مـدهـوش زامـانینــدا بیــر آیینــه یــه بــاخ
اؤزون اؤز عکسینـی تصـویـر ائلـه اعلــم ســن اگــر

گور، سنی باده نـه حـالـه سـالیـب ، ای خـانـه خـراب
آغـلا اؤز حـالینـه بیـر دم ، نــولا، خُــرّم ســن اگــر

حئیفدیر باده یه صرف ائتدیگیـن اول شـانلـی حیـات
بیلّیک اوغروندا اونی صرف ائلـه ، حـاتـم سـن اگـر

مبتــلادیــر بــو بــلایـــه ، دئمـــه ، واحـــد اؤزوده
اونــودا علــم ایلــه تشــویــق ائلــه ، آدم ســن اگــر

اولسایدی میسّر، گـؤزه لیـم، یـاریـن اولاردیـم

اولسایدی میسّر، گـؤزه لیـم، یـاریـن اولاردیـم

هر لحظه غمین چکمگه غمخوارین اولاردیم

هر شب دولاشیب صبحه کیمی شمع ِ جمالین

پـروانـه کیمـی، طـالـبِ دیـداریــن اولاردیــم

ممکن کی دئییل بیرده گـزیـم گلشـن ِ کـویـون

ممکـن گـر اولایـدی، یئنـه زوّاریـن اولاردیـم

مجنون کیمی دایم، سـر کـویـونـدا گـزه ردیـم

عؤمـروم نقـدر وارسـا، پـرستـاریـن اولاردیـم