درباره من
اوغوز خان تورک ائلینین آتاسی و حاکمی ایمیش اوغوز خان حاقیندا بیر سیرا دستانلار و افسانه لر و تاریخی سندلر وارکی آراشدیرارکن بو نتیجه یه گلمک اولورکی او (حضرت نوح) نوه سی و یافث.نوح اوغلونون اوغلویدور.تورات کیتابی دا بونو حاقلیر کن.موسولمان تاریخ یازان (رشیدالددین) اوزکیتابی (جامع التواریخ) ده بونا ایشارت ائدیرکی اوغوز نوح اوغلو یاقثین اوغلودور و او تورک لرین بویوک آتاسی دیر. اوغوزون آلتی اوغلو واریدیر اوغوز خانین اوغلانلارینین هر بیرینده ن ۴ قبیله آیریلیر.بو ۲۴ قبیله یه اوغوز قبیله لری دئیلیر.بوگونکو تورک لر (ایران.ترکیه.آذربایجان
.ازبکستان.ترکمنستان.قزاقستان.
قرقیزستان.عراق.بوسنی.
بولقار.مجار.فنلاند...اوغوزو
ن نسلیندن سایی لیرلار.
-----------------------------
اوغوز بابا
قیلینج لارین سسی گلدی
گئچمیشلردن ، اوزاقلاردان
آت کیشنه دی
((ایتی)) چایین قیراغیندا
اوغوز بابام قییها چکدی
غضبیندن یئره گؤیه
نیفرین دئدی
حارام اولسون سیزه منیم
آدیم ، سانیم
آی بئ غئیرت اوغوللاریم
((مورو)) داغی دوشمن باسیب
((کلبجریم)) یارالیدیر
باتدی منیم آدیم سانیم
باسیلیبدی قاراباغیم
نه یاتیب سیز عارسیز-عارسیز
دده قورقود بویلاریندا
اؤلدو داها ((قارا چوبان))
یالان اولدو دلی (( دومرول))
حاییف اولسون او آدلارا
حاییف اولسون
تاریخ دولو شان شوهرتلی
آدا ، سانا
دوشمن باسدی قاراباغی
ادامه...
شاید گتیررم دامیمه اول دریتیمـــــی
شاید گتیررم دامیمه اول
دریتیمـــــی
قواصه دونوب عشق ایله دریالره دوشدوم
تاکـی بیرالین اوپمک اوچون پیر مغانین
ساقـی نین آیاغیندان اوپوپ پالره دوشدوم
عکس رخینـــی ساغر صهباده گورن دم
بی تاب اولوبان اوزگه تمنالــــره دوشدوم
بیلدی منـی نادان ائیله دی پند ، خلایق
صد شکر کـــــی سید دل دانالره دوشدوم
سنه ای نازلی نیگار زولف پریشان یاراشیر
سنه ای نازلی نیگار زولف پریشان یاراشیر
اوزوون وصفینه ده تک مه تابان یاراشیر
منی تا سن گؤروسن قاش قاباغین یئر سوپورور
گولگونن کی سنه بو چهره خندان یاراشیر
او قدر عشقیوه دؤزدوم کی آدیم مجنونا چؤندی
سنه ده بول لقب لیلی دوران یاراشیر
بو دی قصدیم سنی اؤز سئوگی تورومدا گیره سالماق
اُو دی کی باخ منه اُووچی , سنه جیران یاراشیر
گوزلیم گل یانیما تا کی دئسین دونیا بیزه
اوغلانا قیز یاراشیر باخ قیزا اوغلان یاراشیر
سئوگیلیم! ائـل بیلیـر مـن اهـل دردم
سئوگیلیم! ائـل بیلیـر مـن اهـل دردم
سندن باشقاسینـی سئـوسـم نـامـردم
غصـه دن اؤلـوره م نئیلیم کـی، هـردم
منی قویوب بـاخیـر یـانـا گـؤزلـریـن
کپریگین خنجردیر، قاشلارین کمان
ییخدیغین عاجیزه وئرمـزسـن آمـان
دئدیلر جلادسان، ائتمه زدیـم گمـان
سالاجاقدیـر منـی قـانـا گـؤزلـریـن
سنیـن الینـده دیــر هــر اختیــاریــم
ظالیم، اؤلدور منی، غمدن قورتاریم
بس کیمه سؤیله ییم، کیمـه یـالـواریم
گتیـریبـدیـر منـی جـانـا گـؤزلریـن
کؤنلومو سـالاجـاق زولفـون کمنـده
حسرتین قویماییب جان قالسین منده
او گـؤزلـر واریکـن نـه قــدر سنــده
آلاجاق کؤنلومو سـونـا گـؤزلـریـن
واحـدم، سئـوگیلیـم، مـن ده قـانیـرام
فتنـه کـار گـؤزه لــی اوزدن تــانیــرام
نئجـه دئییـم سنـه، غمــدن یــانیــرام
منیم تک اود توتوب یانا گـؤزلـریـن
سنسیز ای گول ؛ دئمه بیگانه لر آغلاتدی منی...
سنسیز ای گول ؛ دئمه بیگانه لر آغلاتدی منی...
بعضی ایدرومالار، افسانه لر آغلاتدی منی...
آغلادیب اؤزگه پریشان ائده بیلمزدی منی...
زولفونه محرم اولان شانه لر آغلاتدی منی...
شمع تک گؤز یاشیم اخمازدی،غمیندن کئجه لر...
دؤور رویوندا کی پروانه لر آغلاتدی منی...
بیرلیلی سئویب عشقده سئودالره دوشدوم
بیرلیلی سئویب عشقده سئودالره دوشدوم
مجنونه دؤنوب دامن صحرالــره دوشدوم
سئودای سرزلفده سرمایمـــــی وئردیم
سود ائیلمه دیم گورنئجه سئودالره دوشدوم
بیرطفل صغیرآلدی منیم عقلیمـــی الدن
ای پیر کؤنول گور قم کبرالـــره دوشدوم
هـــرجانیبه باخ بیر بت هرجائی گوررسن
هــــریئرده عبث تهمت بیجالره دوشدوم
صنعانــــی اولوب بیربت ترسا طلبینده
هــــــردم هوس دیر و کلیسالره دوشدوم
نه مجنونام کی وحشت ائیله یم لیلا جفاسیندان
نه مجنونام کی وحشت ائیله یم لیلا جفاسیندان
دوشم صحرایا سرگردان غم عشقین بلاسیندان
نه فرهادام کی داغلاردا وورام اوز باشیما تیشه
قوتارماقچین بو شیرین جانیمی هیجران بلاسیندان
وطنده جورو جانان خوشدور ، غربت ایچره راحتدن
خداوندا قورتارما منی جانان جفاسیندان
کولاهیندان چیخارتدیم کاکیلین یالوارا یالوارا
ایلانی آری شیرین دیل چیخاردار اوز یوواسیندان
سگ کوی حبیبیمله قدیمی آشنادیر دل
خداوندا آییرما اشنانی آشناشیندان
گلیر یانیما غیر ایله نگاریم حال سورماقچین
منه بالله خوشدور یوز جفاسی بو وفاسیندان
دریغا گئتدی خاکا عرض حالی سینه ده سید
بیانا چکمه دی اول شاها اوز شرم و حیاسیندان
یات گولوم آی ایشیقیم راحت جانیم بو گئجه
بو خبرسیز کونوله داردی جهانیم بو گئجه
هر گئجه سوگیلیمین نغمه سیله گوز یومارام
شعر سیز قافیه سیز من نئجه یاتیم بو گئجه
سانما عادت دی منه هر گئجه خیرین دئماغی
گوره سن حالیمی گر حالت زاریم بو گئجه
یانارام اودلانارام شمع تک ای سرو بویوم
یاز یاغیش تک النر اشک روانیم بو گئجه
بو چؤل اولموشدا منیم باشیما چوخ ایش گلدی،
یئتممیش یایه، خبر گتدیله کی، قیش گلدی.
* * *
سزادیر گر شیکایت ائیلییم بو چرخ کجرؤودن،
چیخارتدی کوی دیلبردن، منی زنجیره توش ائتدی.
* * *
گردون جفایه راغیب، باری کس الطفاتین،
تا اولماسا محبت، خوش گلمز ایختیلاتین.
* * *
آتش کناری، کورسی قیچی، دیلبرین اوزو،
تاری بیلیر کی، قیش گونونون لاله زاریدیر.
* * *
ائله آددیم گؤتور آتا بیله سن،
ائله لقما گؤتور، اودا بیله سن.
آغ آتیم
آغ آتیم
آغ آتیم ، قول قاناتیم ،
آت قدمین یورتمه یئری !
آش تپه لردن
سیلدیریم تک سره لردن
سئله سینمیش دره لردن
بو نه طوفاندی گؤزل کهلیگیمی ایستیر آییرسین فره لردن
غیرتیم جوشه گلیر غملی خبردن
آغ آتیم – قورخما خطردن !
آغ آتیم قول ، قاناتیم ،
شیهه چک ، قوی سسیوه
بلکه یاتانلاردا اؤیانسین
یاتماغین واختی دگیل دورسون اوتانسین
یاتانین عؤمرو تالانسین
تازا نعلین وار آتیم
چال بو داغین سینه سینه ، قوی پارالانسین
چال داغین سینه سی باتسین ، یارالانسین
داشی داشدان ، آرالانسین
آغ آتیم قول قاناتیم
داش قایادان آشما چتیندی
قاباق اؤز یوققوشادی ، قاشما چتیندی
داغا دیرماشما چتیندی
داشا ، سووخاشما چتیندی
باخما یوللاری چتیندی ، اورانین هیبتی یوخدور
آغ آتیم همت ائله !
غیرتی یوخدور
هله اؤز یوققوشالار چوخدو قاباقدا
آشماق اولماز بو آیاقدا
آغ آتیم قول قاناتیم
بسدی ایاق ساخلاما ، گون باتدی قارالدی
گون گئچیب داغ دالینا رنگی سارالدی
داغین اوستون دومان آلدی
آغ آتیم ، بس بو نه حالدی؟
بورا یارقاندی آتیم دورما آماندی ....
آغ آتیم ، قول قاناتیم
آت قدم آیدینلیغا ساری
هؤرکوشن اوولاریلان ؛ چیخ سره یاللاری یوخاری
قار قالان داغلارا سال بیر نفسین
قوی اریسین بوز کیمی چئگینینده کی قاری
سولاری آرخلارا سال بلکه سووارسین
قوری قالمیش اوبالاری
قوی بؤیوک گولده اؤزوشسونله یاشیل باش سونالاری
آغ آتیم
جهد ائله باری
سنی تاری !
آغ آتیم ، قول قاناتیم
طبعیمین دریاسی جوشقوندو
یئل اسدیر لپه لنسین
قوی چالیم صخره لره دالغامی ، دالغام سپه لنسین
قوی یاغیش تک قورویان
داغلارین اؤستونده اله نسین
هرزه اوتلاری آپارسین
لالا بیتسین
هامی گؤللر تزه لنسین
گؤلو بلبل یییه لنسین
آغ آتیم ، قول قاناتیم
آت قدمین قلعه ی بابکدن آشاق
قارا گؤنلن ساواشاق
آت گؤلوندن سس آتیب ، بابکین حالین سوروشاق
یئنه طوفاندا جوشاق
دریالار تک قوووشاق
آغ آتیم ، قول قاناتیم
شیهه چک قوی سسیوه
هاجرینی ترکینه چکسین نبی گلسین
قوی کور اوغلو آتینی داغلارا سالسین
ائشیدیب شیهه نی گلسین
الده کسگین قیلیجیلا
بویاسین قانه کئچل حمزه نی گلسین
قوی کرم سازینی سالسین دؤشونه ، چؤللره دؤشسون
های سسی ائللره دؤشسون
دئگیلن غملی کرم ایستر اگر ، اصلینی گلسین
دشمنین بلکه کسک نسلینی ، گلسین
قوی بو داغلاردا بؤیوک هلهله دؤشسون
داغلارا ولوله دؤشسون !
آغ آتیم ، قول قاناتیم
منه بیر قالغی بابامدان ، بو ورندیلدی ، بونو چئگنیمه ساللام
قاراداغ باشینی آللام
اورا بیر ولوله ساللام
آغ آتیم دورما ، یوبانسان ، دالی قاللام
آغ آتیم ، قول قاناتیم
بیز اگر قلعه ی سیمرغدان آشساق بیزه آزدی
باخما یوللار ناتارازدی
باخما بو قارلی دماوند ، بو قفقاز بو هرازدی
باخما داغدا هاوا دوتقوندو – آیازدی
باخما بو قیشدی بو یازدی
آغ آتیم آت قدمین دریا ، دایازدی
دریانی گئچسن اگر شهرِ نیازدی
اوردا هر قان کی تؤکولدو یئره ، آزادلیقی یازدی
بشر آزادلیغا بازدی !
آغ آتیم ، قول قاناتیم
اوردا دؤلبرچین اوتو دؤرت پَر آچیبدی
اوردا دیللنمگه دیل تازه شیرین دیللر آچیبدی
اوردا باغلاردا بوتون گؤل لر آچیبدی
آغ آتیم
آت قدم آیدینلیغا ساری !
قبریم اوسته گه‌لر اولسوز منه بیر ساز گتیرین
قبریم اوسته گه‌لر اولسوز منه بیر ساز گتیرین
حمدو رحمان یئرینه شور ایله شهناز گتیرین
فاتیحه ایستمیرم اؤزگه دیلیندن بئزارام
اؤز دیلیمده منه روح اوخشایان آواز گتیرین
عالیمین نغمه‌سینی، همده عدالت سازینی
بیرده هابیل کمانیندان منه ائجاز گتیرین
چونکی بیر فایداسی یوخ آغی دئییب آغلاماقین
اوخویون قوشما، گرایلی قیش اؤتوب یاز گتیرین
مئی ایچین تورپاغیمین اوستونه مستانه گلین
هم او مئیدن کی ایچنلر اونو دویماز گتیرین
قبریم اوستونده دوزون یان-یانا آل باده‌لری
نوش ائدین جومله‌سینی سیز یئنه‌ده آز گتیرین
او گؤزل حالتی وصف ائتمه‌ده عاجیزدی دیلیم
سئوگیدن نوشأت آلان بیر نئچه خوش سؤز گتیرین
ناز مؤقددسدیر اگر نازلی گؤزل صادیق اولا
ائی صداقتلی گؤزللر منه سیز ناز گتیرین
دوزدی من اؤلمزیدیم ائشوه-ناز اولدوردو منی
ائله بیر ناز کی آشیق جانینا قییماز گتیرین
آتا اولدوقدا کریم یاندی اوغول حسرتینه
چنلی بئلدن گؤروشه بیر دلی ائیواز گتیرین
