اورگیم قان اودی بس منی سئخدی زمانه

اورگیم قان اودی بس منی سئخدی زمانه
سر داشیم اولمادی عا لم منه زندان اولدی
اوتورا بولمدیم ایوده قاپویا بویلا ندیم
بلکه جان صاحبی بیر لحظه نمایان اولدی
سایدیم اولدوز لاری بیر بیر او قرا نلوق گئجه ده
آغلادیم صبحه قدر گوزده کی یاش قان اولدی
هی گوزوم یاشینی توکدوم یوزه هجران گئجه سی
قالدی یوللاردا گوزوم صبر ایوی ویران اولدی
بیر کسیم اولمادی سر داشیم اولا غملی گونوم
قورتارام جانیمی غمدن مگر امکان اولدی
آیرلیقدان باشیما گلدی نه لر بولمدون هئچ
سئل کیمی غم توکولوب باشیمه عمان اولدی
تانری چاره م ندی عشقون قوشی باغیمدان اوچوب
بولورم گئدی هارا کیملره مهمان اولدی
بولمورم یول اوزاق اولدی کی گلوب چئخمادی یار
یا وفاسیز لیق ایدوب اوزگیه جانان اولدی
یاکی مندن اورگی سیندی داها گلمیجک
یا کی اوز باغلادیقی عهدینه پشمان اولدی
یارین عشقیله گئچدیم گئجه می گوندوزومی
وصلینی آرزولادیم قسمتیم هجران اولدی
آیری بیر سوز دیمرم ساغلیقینی آرزیلارام

گینه گلدی رمضان هامی مسلمان اولاجاخ

(بیر شعر استاد کریمی دن رمضان آیینین حاقیندا)

گینه گلدی رمضان هامی مسلمان اولاجاخ

دین اسلام اوجالوب خلق نماز خوان اولاجاخ

گله جق غیرتده فاسق ، اولاجاق اهل تمیز

ائتدیقی معصیته جمـــــــله پشیمان اولاجاق

بیر محرمده چخوب شاهقلی بو مسجد دن

بیر ده بو آیدا گلوب داخل ایوان اولاجاق

روزه سین مئیل ایلینلر چیخاجاقلار سفره

ائیله بیر هاموسی زوار خراسان اولاجاق

او آداملار که ائدوب میلته چوخ جور و ستم

هاموسی بیر گئجه ده قاری قرآن اولاجاق

هئچ گناه اولماسا بسدور بیزه بو صوم و صلاه

قبر ایچینده بیزه او حائیل سوزان اولاجاق

سن زولفینی آچ تؤک اوزونه ، شانه سی مندن

سن زولفینی آچ تؤک اوزونه ، شانه سی مندن
زنجیری نشان وئر منه ، دیوانه سی مندن

سن عاشیقی یاندیرماقا من یانماقا ماییل

سن شمعینی گؤستر منه پروانه سی مندن

زولفون قدری عاشیق اولان وار سنه ای گول

سن سویله او مجنونلاری افسانه سی مندن

سر مست گؤزون فتنه لبین نشئه لی باده

ایچدیر منه ، اول باده نی پیمانه سی مندن

سن ناز ایله گل کی صدفین قیمتی آرتسین

گؤز یاشی کیمی اینجیسی دوردانه سی مندن

هر دم گؤتور اوزدن گوزه لیم افعی زولفین

چک ظاهره گنجینه نی ویرانه سی مندن

آنا وطن‌‌‌، آنا وطن‌!

آبی روشن

قهرمانلار دیریله‌جک،
اؤنۆنده یاد اگیله‌جک،
اوغوللارین سئویله‌جک،
شن گله‌جک‌‌‌، تئز گله‌جک‌‌‌،
آنا وطن‌‌‌، آنا وطن‌!
عطیرلیدیر قوینون سنین‌‌‌،
گۆلـله‌نجک دره‌لرین‌!
گئده‌‌‌جکدیر دردین - غمین‌‌‌،
دیلکلریم آچار چیچک‌‌‌،
آنا وطن‌‌‌، آنا وطن‌!
یاد باغیریر یالان - یالان‌‌‌،
منه دئییر: بیزه اینان‌!
ائتمیر بونو اصلا گۆمان‌‌‌،
سندن اولماز هئچ ال چکمک،
آنا وطن‌‌‌، آنا وطن‌!
بولاقلارین سرین سنین‌‌‌،
چشمه‌لرین درین سنین‌‌‌،
اوجا ذیروه یئرین سنین،
ان گؤزه‌لسن‌‌‌، بونو بیلک،
آنا وطن‌‌‌، آنا وطن‌!
سن منیم‌سن‌‌‌، منیمکی‌سن‌‌‌،
سن بیر ایدین‌‌‌، بس ایکی‌سن‌؟
اۆره‌گیمده سن‌‌‌، تکی سن‌‌‌،
یئر دوتوبسان، بئله گره‌ک‌!
آنا وطن‌‌‌، آنا وطن‌!
گؤزه‌للیکده بیر دنه‌سن‌‌‌،
منجه، دۆنیا تکی سنسن‌‌‌.
آنجاق سنه باغلییام من‌‌‌،
صرف ائتمیشم بوردا أمک،
آنا وطن‌‌‌، آنا وطن‌!
داغلاریندا گۆل آچاجاق‌‌‌،
قیزیل گۆنش نور ساچاجاق‌‌‌.
ایشیغیندان قورد قاچاجاق‌‌‌،
او گۆنه گل کؤنۆل وئره‌ک،
آنا وطن‌‌‌، آنا وطن‌!
قان رنگینده بایراغین وار‌‌‌،
دۆنیالارجا نؤوراغین وار‌‌‌،
یاز نفسلی مین داغین وار‌‌‌،
من قویموشام بوردا اۆره‌ک‌‌‌،
آنا وطن‌‌‌، آنا وطن‌!

آند ایچیرم

وطنیم! بیر قاداغان دیلده سنه آند ایچیرم
آنامین سؤیله دییی لایلایا من آند ایچیرم
آرازین باغلادیغی یوللارا من آند ایچیرم
سنه من آند ایچیرم...
سنی مندن آلانی تورپاغینا قایتارارام
اونودولموش نیشانی بایراغینا قایتارارام
«سو» یو «آب» اولمادا من بارداغینا قایتارارام
یئنه بیر خیردا بالیق ماوی دنیزدن سؤز آچیر
اونو بوغماز قره سو سولدوغو گولدن گول آچیر
دنیزه بیر یول آچیر
وطنیم! تک دئییلم سانما سسیم تئز بوغولا!
گون او گوندور کی گرک گؤنده مین آصلان دوغولا!
ائوی ظولمون داغیلا!...
وطنیم! گون اولار! دونیا گؤره ر! توپراغینا گول بیته جک!
خالقیمین قوردوغو بایراق دا یئره یئنمه یه جک...
...
وطنیم! اؤلسه م اگر، منده وطن قوربانییام
سنی بیر گؤرمک اوچون قورخو نه دیر، آتمالییام
یازاسان باش داشیما، بوردا وطن قوربانی وار
یاتیب هردن اویانیر، گؤزلرینین آل قانی وار
وطنین سئومه یه نین کیم دی دئیه ن ووجدانی وار
بو نه یاتماقدی، دورور گؤز تیکیر هردن اوتایا
دئییر آخر یانیرام، هم اوتایا، هم بو تایا!

ایمان مشتریسی

ایمان مشتریسی

آمان آللاه یئنه شیطان گلیب ایمان آپارا
قورویون قویمایون ایمانوزی شیطان آپارا
منیم انسانلیغیمین گور نه حصاری یاوادیر
کی گونوز غول بیابان گلور انسان آپارا
خرمنی ساققیزا وئردیک نه یامان چرچی دی بو؟
هی گلیر کنده بیزه درد وریر درمان آپارا
چورگ آلمیش الینه آج نئجه طاقت گتیسین؟
ائله بیر یاز گئجه سی قیز گلیب اوغلان آپارا
قانلی دیرناخلاریلان(انگلیس)ال قاتدی بیزه
باخیسان (روس)دا آرازدان کئچیر ایران آپارا
آرادان بیرده بولسه لر بیزی اربابلاریمیز
قورخورام قیمیالار تبریزی تهران آپارا
قارا طوفانکی داخی خلقله شوخلوق ائله مز
سئل گرک ائل داغیدا ائو ییخا ایوان آپارا
بو قارانقلیق گئجه لرده قاپوموز پیس دوگولور
نه بیلیم بلکه اجل دیر دایانیب جان آپارا
آناملا سویله یین اوغلون ییخیلیب سنگرده
تئللرین باس یاراما قویما منی قان آپارا
سلقه لی اوغرو تاپیلمیشسا بو باشسیز یئرده
شهریارداندا گرک بیر دولی دیوان آپارا

آذربایجانین میللی سورودی

آذربایجانین میللی سورودی
 
آذربایجان سن سن منیم           هوریتیم شان شوهرتیم

آدین منیم اوز آدیمدیر                سنسیز منیم نه قیمتیم

آذربایجان  آذربایجان                  یاشا یاشا آذربایجان

نفسیمیز بابکلرین                    صابیر لرین اویان سسی

ماهنیلاردا یاشار بیزیم              بابالارین آیاق سئسی

آذربایجان  آذربایجان                  یاشا یاشا آذربایجان

بیز تاریخه سیغینمادیق                 دونن واردیق بوگون واردیق

بیز دوسلوغا گوونه ره ک                 گلجیه آدلیملاریق

آذربایجان  آذربایجان                 یاشا یاشا آذربایجان

اولاجاقدیر او زمان تورکون ده مدرسه سی

 
مدرسه ده موعللیم
ینه دوءدویده الیمدن  
باجار مادیم فارسینی
ایراد توتدودیلیمدن
     دئدیم : آغا موعللیم     
           وورما ، گوینه دی الیم       
  نه دیر آخی گوناهیم
 تورکودورمنیم دیلیم
        یا پیشدی قولاغیمدان دئدی : بوراخ تورکونو   
        اوقالدی ائوینیزده          اونوت گئتسین کو کونو
   
   اوء یره نمه سن  آب -  بابا         آچاجاقسان الینی  
      کو تک ییه ندن سونرا             اونودارسان دیلینی
     
      سنین هاران تورکدور؟ آذریسن ، آذری  
      کیم او یره دیبدیر سنه بئله یانلیش سوزلری
   
                      آخدی گوزومون یاشی    تیتره دی دیل -دوداغیم
 بئله یالان سوزلره اینانمادی قولاغیم
   
           آنام منی اویدورماز         آتام منی آلداتما ز  
           بو سو زلرین هئچ بیری      منیم عاغلیما باتما ز
      
                نییه منیم آدیمی             سوروشما ییراوزومدن    
     نییه سوء زون دوزونو           اوخوماییرگئوزومد ن
                         
            هرکس یالان دانیشسا        آلاهین دوشمانی دیر 
       من کی یالان دئمیرم            بو اونون یالانی دیر
           
             لایلای دئیبدیرآنام               منه بئشیکده تورکو  
        دانیشمیشق هامیمیز          ائوده ائشیکده تورکو
         
               نه دن گرک یازمایاق                   دیلیمیزی کیتابا   
             مدرسه ده نه اوچون             گلمه یک بیز حسابا ؟
         
          قوی بو یویوم بیر اوزوم           اولاجاغا م موعللیم  
        اوندا چوخ ایش گوره جک          بوگون گوینه ین الیم
        
          کیلاسیمدان گله جک             ائلیمیزن اوز سسی 
         اولاجاقدیر او زمان                 تورکون ده مدرسه سی

BEKLEYECEĞİM - AHMET HAMDİ TANPINAR

BEKLEYECEĞİM - AHMET HAMDİ TANPINAR

Aylar geçip yıllar olsa da
Yıllar geçip zaman dolsa da
Aşkın arzuları beni boğsa da
Bir gün seversin diye bekleyeceğim

Bugün nişanlansan, yarın evlensen
Benden başka binbir kişi sevsen
Hepsiyle ayrı ayrı izdivaç görsen
Bir gün dönersin diye bekleyeceğim

Seni beklemekle geçse de ömrüm
Şu fani dünyada kalmasa günüm
Senden uzakta ölürsem bir gün
Ahirette seni bekleyeceğim...

SEN YOKSUN - ATTİLA İLHAN

SEN YOKSUN - ATTİLA İLHAN

sen yoksun
deniz yok
yıldızlar arkadaşım
ya bu gece harika bir şeyler olsun
yahut bir bomba gibi
infilak edecek başım

ağzımda eski mısralar uzanıp kalmışım
istanbul minareler odamda gibi
gökyüzü temiz ve parlak
işte kolkola girmiş en mesut günlerimiz
muhalif bir rüzgar karşı sahilden

fosforlu ışıklarıyla gökyüzü bir deniz
havada kanat sesleri
ve çılgın kokular

deniz yok
yıldızlar uzaklaşıyor
ben yine yalnız kalıyorum
istanbul minareler kaybolmuş
sen yoksun