درباره من
اوغوز خان تورک ائلینین آتاسی و حاکمی ایمیش اوغوز خان حاقیندا بیر سیرا دستانلار و افسانه لر و تاریخی سندلر وارکی آراشدیرارکن بو نتیجه یه گلمک اولورکی او (حضرت نوح) نوه سی و یافث.نوح اوغلونون اوغلویدور.تورات کیتابی دا بونو حاقلیر کن.موسولمان تاریخ یازان (رشیدالددین) اوزکیتابی (جامع التواریخ) ده بونا ایشارت ائدیرکی اوغوز نوح اوغلو یاقثین اوغلودور و او تورک لرین بویوک آتاسی دیر. اوغوزون آلتی اوغلو واریدیر اوغوز خانین اوغلانلارینین هر بیرینده ن ۴ قبیله آیریلیر.بو ۲۴ قبیله یه اوغوز قبیله لری دئیلیر.بوگونکو تورک لر (ایران.ترکیه.آذربایجان
.ازبکستان.ترکمنستان.قزاقستان.
قرقیزستان.عراق.بوسنی.
بولقار.مجار.فنلاند...اوغوزو
ن نسلیندن سایی لیرلار.
-----------------------------
اوغوز بابا
قیلینج لارین سسی گلدی
گئچمیشلردن ، اوزاقلاردان
آت کیشنه دی
((ایتی)) چایین قیراغیندا
اوغوز بابام قییها چکدی
غضبیندن یئره گؤیه
نیفرین دئدی
حارام اولسون سیزه منیم
آدیم ، سانیم
آی بئ غئیرت اوغوللاریم
((مورو)) داغی دوشمن باسیب
((کلبجریم)) یارالیدیر
باتدی منیم آدیم سانیم
باسیلیبدی قاراباغیم
نه یاتیب سیز عارسیز-عارسیز
دده قورقود بویلاریندا
اؤلدو داها ((قارا چوبان))
یالان اولدو دلی (( دومرول))
حاییف اولسون او آدلارا
حاییف اولسون
تاریخ دولو شان شوهرتلی
آدا ، سانا
دوشمن باسدی قاراباغی
ادامه...
آمار : 95642 بازدید
Powered by Blogsky
تبریزیم
تبریزیم
بیر یارالی گؤوه رچین قوشونا بنزه ر
گؤزلرینده
بیر جوت دموکراسی اولدوزو
پارلاییر داییم
اوره یینده چوخدان،
گؤیلره اوچماق آرزیسی وار
اؤزگورلوق دییه بیر سئوگی،
اونون اوره یینده دلی لر کیمی
چیرپینیر نفس نفس!
راحات اول سئوگیلی
تبریزیم
سنی قیسقانمیاجاغام من
بیلیرم سنین یارالی قوجاقیندا
مینلر سئوگیلی
یاتیب اویانیر هر گئجه
سنین له بیر پای رویالار، شئعر لر وار
بئینیم ده
اونودا
سئوگیلی لرینین اوره گی له
پایلاشاجاغام من
سنه من قانه باتان آی دیرم
سنه من قانه باتان آی دیرم
سینووی لاله لره تای دیرم
داش اتانلاردان اگر اولسا امان
توکرم گوز یاشی لایلای دیرم
قره معجرلریمون وای گونونه
صود امر اصغریمون وای گونونه
شرف الناسیم اویان گوزل عباسیم اویان
سرویمون لطمه دگوب خوللارینا
توکولوب قانی شرف یوللارینا
سنی اکبر جانی کیمدن سوروشوم
نه گلوب قارداشیمون قوللارینا
من ئوپن قاره گوزوندن اوخ ئوپوب
داش. گوزل سینووی مندن چوخ ئوپوب
شرف الناسیم اویان گوزل عباسیم اویان
دئمورم قارداشووام گویلومی ال
دئمورم دور گئدک اخیامیده قال
دیورم دشمنی گولدورمه منه
کسیلن قوللاریوی بوینوما سال
صاق گوزوندن توکولن قانه قسم
ایاقیم خیمیه گلمور قئیدم
شرف الناسیم اویان گوزل عباسیم اویان
یارالی باشووه قربان اولانیم
گوزووی اچ باشیووا من دولانیم
نجه سنسیز گئدرم خیمه لره
ئوزون انصاف ائله ای قهرمانیم
گوزووه پرده چکوب قان یارالی
نیه بو حاله قالوبسان یارالی
شرف الناسیم اویان گوزل عباسیم اویان
بویاما گل یوزووی گوز یاشووا
دیله گل ایله بیان قارداشووا
سنی زهرا ننمون جانی دانیش
نه اغیر یاره ووروبلار باشیووا
ئورگین اودلادیلار قارداشووین
بلیمی اگدی یاراسی باشووین
شرف الناسیم اویان گوزل عباسیم اویان
اسمان باشیمه غم گردی الور
سینمی ماتمووین تیری دلور
نقدر اختارورام یوخدی ننم
باشون اوستن ننمون عطری گلور
بو مبارک ئولومین وار نه غمی
خوش سنون حالووه گوردون ننمی
شرف الناسیم اویان گوزل عباسیم اویان
شعر : خانم سیمین بهبهانی
سیمین بهبهانی بعد از وفات همسر استاد شهریار به دیدار ایشان میروند و شعر زیر را به استاد تقدیم میکنند. این اولین و آخرین دیدار سیمین بهبهانی با شهریار میشود . بعد از وفات استاد شهریار, سیمین چندین شعر نیز در رثای استاد سخن می نویسد.
شعر : خانم سیمین بهبهانی
تن قالدی, جانیم جانینا باغلاندی بو آخشام
مرجان چیچه گین کؤکسومه خنداندی بو آخشام
وولقان کیمی اود پوسکورنی اود یاخا بیلمیز
من تام قادینام صورت-و-معنا دا بو آخشام
مریم کیمی ام سن قوجامانلیق آغاجیندان
صوبحون قارا گونلوک لرینه بویلو بو آخشام
جان آخشامینا سن دوغولان اولدوزوموز سان
نوروندان آلیب پارلاییرام منده بو آخشام
گول یاپراقی ,یوخ , من دئیلم تا اؤپه بیر شئح
یاغسیندی گرک گولشنیمه بوسه بو آخشام
"سیمین" ایاغیمدان تؤکولور مئی سئله باغلیر
دیسکین بئله مئیدن کی گئبردندی بو آخشام
ای با تو درآمیخته چون جان، تنم امشب!
لعل گلِ مرجان زده بر گردنم امشب
آتش نه، زنی گرم‌تر از آتشم ای دوست!
تنها نه به صورت که به معنا زنم امشب.
مریم‌صفت از فیض تو ای نخل برومند
آبستن رسوایی فردا منم امشب
مهتابی و پاشیده شدی در شب جانم
از پرتو لطف تو چنین روشنم امشب
گلبرگ نیم شبنم یک بوسه بسم نیست
رگبار پسندم که ز گل خرمنم امشب
پیمانۀ سیمین تنم پُر می عشق است
زنهار! از این باده که مردافکنم امشب!
یئنه ایل دؤندو و بو ایلده گلدی آما منیم مدرسه مدن خبر یوخ .....
یئنه ایل دؤندو و بو ایلده گلدی آما منیم مدرسه مدن خبر یوخ .....
اوشاقلیق چاغیم ایدی بیرینجی گون مکتبه گئدیردیم. اوره‌گیم ده دئییردیم دوستلوق اؤیره‌ده‌جکلر. بئله شئعرلر اوخویاجاییق:
ای بیزی یوخدان یارادان تانریمیز
سن بیزه لطفونله عنایت ائله
بیزلری دوزگون یولا دوز ایشلره
قدرت ذاتین له هدایت ائله
وئر بیزه توفیق کی تحصیل ائدک
علم وادب له بیزه زینت ائله
خدمت ائدک بیز آنامیز یوردو آزربایجانا
سنده اونو حفظ وحمایت ائله
پاک فیکر. آیدین اورک. ساغ بدن
بیزلره شانین له کرامت ائله.
آما بئله اولمادی! اؤیرتمن. کیتابلار. مدرسه. اورانین هاواسی. هامسی منه اؤزگه گلدی! من سئوه-سئوه اوخولا آیاق قویدوم آما اورادا سئوگی دن خبر یوخویدو. دئدیلر هر نه اؤیره نیبسن، هر نه دانیشیبسان، هر نه فیگیرله شیب سن هامی سی هئچ دی! هامی سی یانلیش. هامی‌سین قوی قیراغا! آما من اؤز سئوگیمدن یاپیشدیم اونو یاشاتدیم اوره‌گیمده. اونا جان وئردیم. آما بو حاقسیزلیغا دؤزه بیلمه‌دیم، اوره‌گیم توتولوب پاتلارکن بو قوشمالار دیلیمه گلدی:
مدرسه یه گئتمه‌رم / من بو ایشی ائتمه‌رم
فاث دیلی ایشغال دیلی / فاث دیلینده گئتمه‌رم
مدرسه ده یالان چوخ / ائل دردینه قالان یوخ
فاثلاشماقدان اوتری / باشقا گیزلی فیلان یوخ
مدرسه نین ایلک گونو / آنادیلین قیرغینی
عزا توتاق آغلایاق / اؤلدورولر تورکونو
مدرسه نین قاپیسی / آچیلمیش یاخشی پیسی
تورکوسوزله‌شدیر بیزی / ویران اولسون قاپیسی
اویرنجی ده تورکودو / اویرتمن ده تورک دو
نه کول باشا اله نیر / بیزی بیزدن هورکودور
فاث منی زنجیرله ییب / اؤز دیلیمی گیرله شدیریب
کیمسه یه باش ائیمه‌ییب / فاث منی اسیرلیب
اؤز ائویمده اؤزگه یم / آشنا یوخ بیگانه یم
فاث منی مندن ائدیب / هئچ بیلمیرم من نه‌یه‌م
تاریخیمدن اوزاغام / نه آنام وار نه آغام
ان مظلوم میللت منم / یاردیم ائدین یازیغام
یاساق ائدیب دیردوشمن اوتوز میلیوندا بیر میلتین دیلینده مدرسه نی ؛ آدام اوتانیر دئسین اوتوز میلیون تورکم من !!!!!!!!!!!!!!!
باخین تیمین دوروشوغونا
باخین تیمین دوروشوغونا
آزربایجان خالقی، دایاقدیر سنه
چیرپینان بیر یورک ، سنسن وطنه
دایانما هئچ زامان یاشا تیراختور
قوی سئل کیمین آشا داشا تیراختور
سنده ستتارخانین شؤهرتی واردی
یئریشین مئیداندا شانلی ووقاردیر
تیرختورون کیمدن یوخدور قورخوسو
ائی ائلین، وطنین ظفر اوردوسو
گؤزلرین هاممیسی باغلیدیر سنه
سن بیر اولدوزسان گؤزل وطنه
بوغازیمدا سسین قانیمدا رنگین
ائی منیم آسلانیم، ببریم، پلنگیم
هر مئیدا واردیر ایکی دروازا
بیری باخیر غمه بیری آوازا
تیراختور آچاجاق آواز قاپیسین
مئیداندا قوراجاق ظفر اوردوسو
آزربایجان خالقی، دایاقدیر سنه
چیرپینان بیر یورک ، سنسن وطنه
دایانما هئچ زامان یاشا تیراختور
قوی سئل کیمین آشا داشا تیراختور
سنده ستتارخانین شؤهرتی واردی
یئریشین مئیداندا شانلی ووقاردیر
تیرختورون کیمدن یوخدور قورخوسو
ائی ائلین، وطنین ظفر اوردوسو
گؤزلرین هاممیسی باغلیدیر سنه
سن بیر اولدوزسان گؤزل وطنه
بوغازیمدا سسین قانیمدا رنگین
ائی منیم آسلانیم، ببریم، پلنگیم
هر مئیدا واردیر ایکی دروازا
بیری باخیر غمه بیری آوازا
تیراختور آچاجاق آواز قاپیسین
مئیداندا قوراجاق ظفر اوردوسو
سنی گورجک دئدیم ای دل نه دل آرادور بو؟
سنی گورجک دئدیم ای دل نه دل آرادور بو؟
بو قدر جاذبه وار بوندا ، زلیخادور بو؟
جان وئریر نازیله مین جان آلیر عاشق لردن
گونده مین معجزه وار بوندا ، مسیحا دور بو؟
بیرجه مجنونیدی لیلینی سئویب عاشق اولان
بونا مین عاشق اولان وار، نئجه لیلادور بو؟
عشق دردین چکن عاشق ، می ناب ایچمه لیدور
پیر میخانه ائوزی وئردیگی فتوادور بو
زولف سوداسی منی گور نجه باشدان چیخاریب
بیرجه من بیلمه دیم آخر کی نه سودادور بو؟
گوزلیم عالمه مینلرجه گوزللر گله جک
چوخدا ائوز حوسنیوه فخرایلمه ، دونیادور بو؟
منه یوز دفعه وفاسیزلیق ائدن بیر گوزلی
سئویرم من ،یئنه گور بیر نه معما دور بو؟
سن تماشا ائله " واحد " بو پری چهره لری
فرصتی فوت ائلمه یاخشی تماشادور بو
علی آقا واحد
سنه ای نازلی نیگار زولف پریشان یاراشئر
سنه ای نازلی نیگار زولف پریشان یاراشئر
اوزوون وصفینه ده ، تک مه تابان یاراشئر
سئچیلن دونیا گوزللرده هره بیر یئر آلیب
سنه ای غونچه دهان ، تکجه بو سولطان یاراشئر
منی تا سن گؤروسن قاش قاباغین یئر سوپورور
گولگونن کی سنه بو چهره خندان یاراشئر
او قدر عشقیوه دؤزدوم کی آدئم مجنونا چؤندی
سنه ده ، بول لقب لیلی دوران یاراشئر
بو دی قصدیم سنی اؤز سئوگی تورومدا گیره سالماق
اُو دی کی باخ منه اُووچی سنه جیران یاراشئر
گوزلیم گل یانئما تا کی دئسین دونیا بیزه
اوغلانا قیز یاراشئر ، باخ قیزا اوغلان یاراشئر
تبریزیم
تبریزیم
سنی نئچه-نئچه نغمه کار اؤتدو
سازیندا ، سؤزونده ، تبریزیم منیم
شهرتین اوجالدی ، آدین اوجالدی
بوتون یئر اؤزونده ، تبریزیم منیم
فقط طالعینده باهار آز اولدو
آرزون سینه ن اوسته قانلا یازیلدی
نرگیزین ، بنؤوشه ن نیسگیل لی قالدی
چؤلونده ، دؤزونده ، تبریزیم منیم
حیاتی واریدی کؤرپه گولونده
بیر بؤیوک دنیزین، بیر لال گؤلونده
انسان آخینیندا ، انسان سئلینده
چاغلادین اؤزون ده ، تبربزیم منیم
مین-مین یارا آلدین ، دیریلدین یئنه
آلقیش سینه نده کی حیات عشقینه
یولومدا بیر مشعل اولموشدور منه
کول آلتدا کؤزون ده ، تبریزیم منیم
ای منیم مقدس اومید شهریم
ای منیم قهرمان ، ایگیت شهریم
دی کیمی گؤسته ریم ، من نشان وئریم
اولسون سن دؤزومده ، تبریزیم منیم !!!
سنین اؤز آدین وار ، اؤز احتشامین
یئنه ده دوغاجاق آیلی آخشامین
اینانما دئسه لر ، ایسته گین ، کامین
قالاجاق گؤزونده تبریزیم منیم
آرزون ناخیش-ناخیش اومیدین رنگ رنگ
ائشیت ، گؤر نه دئییر بو قلبی کؤره ک :
نه اولار منی ده بیر خاطیره تک
سن یاشات اؤزونده ، تبریزیم منیم !!!
تبریزیم منیم ......
اوغوز بابام...
اوغوز بابام...
قیلینج لارین سسی گلدی
گئچمیشلردن ، اوزاقلاردان
آت کیشنه دی
((ایتی)) چایین قیراغیندا
اوغوز بابام قییها چکدی
غضبیندن یئره گؤیه
نیفرین دئدی
حارام اولسون سیزه منیم
آدیم ، سانیم
آی بئ غئیرت اوغوللاریم
((مورو)) داغی دوشمن باسیب
((کلبجریم)) یارالیدیر
باتدی منیم آدیم سانیم
باسیلیبدی قاراباغیم
نه یاتیب سیز عارسیز-عارسیز
دده قورقود بویلاریندا
اؤلدو داها ((قارا چوبان))
یالان اولدو دلی (( دومرول))
حاییف اولسون او آدلارا
حاییف اولسون
تاریخ دولو شان شوهرتلی
آدا ، سانا
دوشمن باسدی قاراباغی
نه قاراباغ؟
تالاییبللار هر وارلیغی
عارسیز-عارسیز
خوش خیاللی
شیرین یوخو،
یوخلاییب سیز...
حارام اولسون اوستوزده کی
آد ، سان سیزه ،
اوغوز بابام دئدی گئتدی!!!
آت کیشنه دی آت کیشنه دی
چنلی بئلین سیلدیریم لی
اوچوروم لو یوللاریندا
قوچ کوراوغلو نعره چکدی
کور اوجاغلی یوردوم دئدی!!!
غئیرتیمه گولدو منیم!!!
آت کیشنه دی ساوالانین زیروه سینده
آل گئییملی اولو بابک سسه گلدی
باخدی منه غضب لندی ،
سیز قانیمی آیاقلادیز ،
قاراباغدان چکیلنده...
دئدی منه ، دئدی گئتدی
آت کیشنه دی خان آرازین ساحیلینده
کیشنه سینه نبی گلدی،
یوردوموزو بؤلوم-بؤلوم
قاریش -قاریش ، دیلیم-دیلیم
دوغراییب لار گؤره ن آندا،
بیزه نیفرین ائدیب گئتدی...
آت کیشنه دی شاه سهندین اتگینده
ستارخانین اولکه سینده
کئچمیش لریم یادا دوشدو
واراق - واراق واراقلادیم تاریخی ،
تاریخلرده بابالاری ایزله دیم
اونلار سولطان ایمیش
اونلار خان ایمیش
اونلار داهی اینسان
غئیرت اوجاغی
من ایسه قول اولموشام
قول...!!!!
آت کیشنه دی
((ایتی)) چایین قیراغیندا
اوغوز بابام قییها چکدی
غضبیندن یئره گؤیه
نیفرین دئدی
حارام اولسون سیزه منیم
آدیم ، سانیم
آی بئ غئیرت اوغوللاریم
((مورو)) داغی دوشمن باسیب
((کلبجریم)) یارالیدیر
باتدی منیم آدیم سانیم
باسیلیبدی قاراباغیم
نه یاتیب سیز عارسیز-عارسیز
دده قورقود بویلاریندا
اؤلدو داها ((قارا چوبان))
یالان اولدو دلی (( دومرول))
حاییف اولسون او آدلارا
حاییف اولسون
تاریخ دولو شان شوهرتلی
آدا ، سانا
دوشمن باسدی قاراباغی
نه قاراباغ؟
تالاییبللار هر وارلیغی
عارسیز-عارسیز
خوش خیاللی
شیرین یوخو،
یوخلاییب سیز...
حارام اولسون اوستوزده کی
آد ، سان سیزه ،
اوغوز بابام دئدی گئتدی!!!
آت کیشنه دی آت کیشنه دی
چنلی بئلین سیلدیریم لی
اوچوروم لو یوللاریندا
قوچ کوراوغلو نعره چکدی
کور اوجاغلی یوردوم دئدی!!!
غئیرتیمه گولدو منیم!!!
آت کیشنه دی ساوالانین زیروه سینده
آل گئییملی اولو بابک سسه گلدی
باخدی منه غضب لندی ،
سیز قانیمی آیاقلادیز ،
قاراباغدان چکیلنده...
دئدی منه ، دئدی گئتدی
آت کیشنه دی خان آرازین ساحیلینده
کیشنه سینه نبی گلدی،
یوردوموزو بؤلوم-بؤلوم
قاریش -قاریش ، دیلیم-دیلیم
دوغراییب لار گؤره ن آندا،
بیزه نیفرین ائدیب گئتدی...
آت کیشنه دی شاه سهندین اتگینده
ستارخانین اولکه سینده
کئچمیش لریم یادا دوشدو
واراق - واراق واراقلادیم تاریخی ،
تاریخلرده بابالاری ایزله دیم
اونلار سولطان ایمیش
اونلار خان ایمیش
اونلار داهی اینسان
غئیرت اوجاغی
من ایسه قول اولموشام
قول...!!!!
آزربایجان اوغلویام
آزربایجان اوغلویام
گئـچیب جـاندان اؤز ائلیـه جـان وئره ن
بابکم من آزربـایجــان اوغلویـام
آنـا یوردا اوره کدن عئشق بسلــه یه ن
بـابکم من آزربـایجــان اوغلویـام
ایللــر بـویـو ، جـللاد بـوینـو بـورمـوشام
سینـه گـریب دوشمـه نیمـی یورموشام
ائللریمیــن خـیــدمتینــده دورمـوشــام
بـابکم من آزربـایجــان اوغلویـام
بـاغلی قوللا معتصــم'دن قــورخمــادیم
اؤلوم گلدی من سؤزومدن چـیخمادیم
آل قانیمی مه یر اوزه یـاخمادیم
بـابکم من آزربـایجــان اوغلویـام
تـاریخیمــی آل قــانیمــلا یــازمیشــام
قودوزلارا دریــن قـبیر قــازمیشـام
کیم دئییری من یولومو آزمیشام
بابکم من آزربـایجــان اوغلویـام
هوندور داغـام سئللــر منــی ییخـمادی
دوشمنیم ده اوزومه خــور بـاخمادی
آخدی قانیم گؤز یاشلاریم آخمادی
بـابکم من آزربـایجــان اوغلویـام
سینمــده بیر یـانـار اود وار سـؤنـولمـه ز
شرف یولو گئده ن یـولچو دؤنولمه ز
محببتیم ائللــریمــــــــدن اوزولمـــــه ز
بـاشـی اوجـــا آزربـایجـــان اوغلویـام
قودرتیمی اؤز ائلیمدن آلمیشــام
چـراغ اولـوب قــارانلیقــدا یــانمیشــام
ظفـر مـــارشــی وطنیمــده چالمیشـام
بـابکم من آزربـایجـــان اوغلویـام
توران بــدن آزربـایجــان جــانیمدیـــر
تـورکو دیلــی دامــارلاردا قــانیمدیــر
بورا منه وطنیمــدیــر شانیمــدیـــر
بـابکم من آزربـایجــان اوغلویـام
